నవతెలంగాణ – మద్నూర్: కాంగ్రెస్ పార్టీ అధిష్ఠానం పిలుపు మేరకు మద్నూర్, డోంగ్లి మండలాల్లో కాంగ్రెస్ పార్టీ నాయకులు, సర్పంచులు ఇందిరమ్మ ఇళ్ల లబ్ధిదారులతో కలిసి దీపావళి వేడుకలను ఘనంగా నిర్వహించారు. ప్రభుత్వం మంజూరు చేసిన రూ.5 లక్షల ఆర్థిక సాయంతో నిర్మించుకున్న నూతన ఇళ్లలో లబ్ధిదారులతో కలిసి టపాసులు కాల్చి పండుగ సంబరాలు జరుపుకున్నారు. ఈ సందర్భంగా లబ్ధిదారులు ముఖ్యమంత్రి రేవంత్రెడ్డి, జుక్కల్ ఎమ్మెల్యే తోట లక్ష్మీకాంతారావుకు దీపావళి శుభాకాంక్షలు తెలిపారు. డోంగ్లి మండలంలో జరిగిన వేడుకల్లో కాంగ్రెస్ మండల అధ్యక్షుడు గజానంద్ దేశాయ్ పాల్గొన్నారు. మద్నూర్ మండలం తడి హిప్పర్గ గ్రామంలో నిర్వహించిన సంబరాల్లో సర్పంచ్ అశ్విని సుదర్శన్ మున్నా, ఉపసర్పంచ్, వార్డు సభ్యులు, గ్రామ పెద్దలు, ఇందిరమ్మ ఇళ్ల లబ్ధిదారులు పాల్గొన్నారు. రెండు మండలాల్లోనూ నూతన ఇళ్లలో దీపావళి వేడుకలు ఆనందోత్సాహాల మధ్య జరిగాయి.
ఇందిరమ్మ ఇళ్ల లబ్ధిదారులతో కాంగ్రెస్ నాయకుల దీపావళి సంబరాలు
08 నవంబర్, 2026

వెబ్ డెస్క్
ప్రచురించబడింది నవం 08, 2026 | 1 నిమిషాల చదవడం






కామెంట్లు (0)