ప్రజల ఆరోగ్య భద్రతే లక్ష్యం: సర్పంచ్

నవతెలంగాణ-నెల్లికుదురు

​మండలంలోని నైనాల గ్రామ ప్రజల ఆరోగ్య భద్రతే తమ లక్ష్యం అని సర్పంచ్ యాసం సంధ్యా రమేష్ తెలిపారు. గురువారం  యాంటీ రేబిస్ వ్యాక్సిన్ కార్యక్రమం చేపట్టారు. గ్రామ వెటర్నరీ డాక్టర్ సోమ శ్రీనివాసుతో కలిసి రేబిస్ నివారణపై అవగాహన కల్పించారు. ఈ సందర్భంగా ఆమె మాట్లాడుతూ... ప్రజా ఆరోగ్యం పరిరక్షణతో పాటు జంతువుల ఆరోగ్యానికి కూడా ప్రధాన్యతనిస్తున్నట్టు  తెలిపారు. గ్రామాన్ని అన్ని విధాలుగా అభివృద్ధి పరచడమే లక్ష్యంగా ముందుకు సాగుతున్నామని అన్నారు. ఈ కార్యక్రమంలో గ్రామ, పంచాయతీ కార్యదర్శి వినోద్, వెటర్నరీ సిబ్బంది సత్యనారాయణ, శోభన్, గ్రామ పంచాయతీ సిబ్బంది యాకాలు, పిచ్చయ్య, తదితరులు పాల్గొన్నారు.