నేటి నుంచి రైతు భరోసా నిధుల జమ అవుతాయి..!

నవతెలంగాణ – ఆళ్ళపల్లి 
అన్నదాతలకు తెలంగాణ రాష్ట్ర ప్రభుత్వం శుభవార్త చెప్పిందని, నేటి నుంచి మండలంలోని రైతులకు రైతు భరోసా నిధులు రైతుల ఖాతాలో జమ అవుతాయని స్థానిక ఎంపీడీవో, ఏఓ డి.శ్రీనివాస్, అనిల్ కుమార్ చెప్పారు. ఈ మేరకు సోమవారం వారు మండల కేంద్రంలోని రైతు వేదికలో రైతు నేస్తం పై రాష్ట్ర సీఎం ఎ.రేవంత్ రెడ్డి వీడియో కాన్ఫరెన్స్ కార్యక్రమాన్ని హాజరైన రైతులకు చూపించారు. ఈ సందర్భంగా వారు మాట్లాడుతూ.. వర్షాకాల పంటలకు పెట్టుబడి కోసం మంగళవారం నుంచి రైతుల ఖాతాల్లో భరోసా నిధులు జమ చేయాలని రాష్ట్ర ప్రభుత్వం నిర్ణయించిందన్నారు. ఎకరాలతో సంబంధం లేకుండా అందరికీ డబ్బులు వేయనున్నట్లు తెలిపారు. కాగా, ఈ పథకం కింద ఎకరానికి రూ.6 వేల చొప్పున ఏటా రెండు సార్లు ప్రభుత్వం పెట్టుబడి సాయం అందిస్తోందని వెల్లడించారు. ఈ కార్యక్రమంలో స్థానిక కార్యదర్శి వి.శిరీష, ఏఈఓ విజయ్ వంశీ, వివిధ పార్టీల నాయకులు, మహిళలు, రైతులు టి.ముత్తిలింగం, ఎం.శేఖర్, పెండెకట్ల పాపారావు, జి.రామయ్య,  వూకె ఎర్రయ్య, సయ్యద్ యూనుస్, సుభద్ర, తదితరులు పాల్గొన్నారు.