నవతెలంగాణ – కమ్మర్ పల్లి వేల్పూర్ మండలం కోమన్ పల్లి గ్రామానికి చెందిన పారిశుద్ధ్య కార్మికుడు దుమ్మల గంగారం ఇటీవల గుండెపోటుతో మరణించారు. ఈ విషయాన్ని మండల కాంగ్రెస్ పార్టీ నాయకులు బాల్కొండ నియోజకవర్గ కాంగ్రెస్ పార్టీ ఇంచార్జ్ ముత్యాల సునీల్ కుమార్ దృష్టికి తీసుకురావడంతో ఆ పేద కుటుంబానికి ముత్యాల సునీల్ కుమార్ రూ. 10వేల ఆర్థిక సహాయాన్ని పంపించారు. బుధవారం కాంగ్రెస్ పార్టీ మండల నాయకులు ఆ ఆర్థిక సహాయాన్ని మృతుడి కుటుంబ సభ్యులకు అందజేశారు. ఆర్థిక సహాయం అందజేసిన ముత్యాల సునీల్ కుమార్ కు మృతుడి కుటుంబ సభ్యులకు కృతజ్ఞతలు తెలిపారు. ఈ కార్యక్రమంలో కాంగ్రెస్ పార్టీ మండల అధ్యక్షుడు గడ్డం నర్సారెడ్డి, కాంగ్రెస్ పార్టీ జిల్లా కార్యదర్శి దామోదర్ గౌడ్, గ్రామ శాఖ అద్యక్షులు నారాయణ, మండల ఎస్సి సెల్ అద్యక్షులు ప్రవీణ్, చరణ్, కాంగ్రెస్ పార్టీ నాయకులు, కార్యకర్తలు, తదితరులు పాల్గొన్నారు.
