నవతెలంగాణ-హైద‌రాబాద్ : భారతదేశంలోని ప్రముఖ విభిన్న వ్యవసాయ వ్యాపారాలలో ఒకటైన గోద్రేజ్ ఆగ్రోవెట్ లిమిటెడ్, మొక్కజొన్న పంట కోసం ప్రత్యేకంగా రూపొందించిన కొత్త కలుపు నివారిణిని ప్రారంభించినట్లు ప్రకటించింది. ఐఎస్‌కే జపాన్‌తో కలిసి అభివృద్ధి చేసిన ‘అషితాక'(Ashitaka), భారతదేశంలోని మొక్కజొన్న రైతులు ఎదుర్కొంటున్న ప్రధాన సమస్య అయిన గడ్డి, వెడల్పు ఆకుల కలుపు మొక్కలపై సమర్థవంతమైన నియంత్రణను అందించే ఒక వినూత్న పరిష్కారం. మొక్కజొన్న పంటకు కలుపు మొక్కల బెడద ముఖ్యంగా ప్రారంభ దశల్లో ఒక పెద్ద సమస్యగా ఉంటుంది. అషితాకను 2 నుండి 4 ఆకుల కలుపు దశలో పిచికారీ చేస్తే, ఇది కలుపును చక్కగా నియంత్రిస్తుంది.
ఆ సందర్భంగా గోద్రెజ్ ఆగ్రోవెట్ క్రాప్ ప్రొటెక్షన్ బిజినెస్, సీఈఓ, రాజవేలు ఎన్.కె. మాట్లాడుతూ.. “గోద్రేజ్ ఆగ్రోవెట్‌లో మా ప్రధాన లక్ష్యం ఏమిటంటే, పర్యావరణపరమైన, మార్కెట్ సవాళ్ల నుండి వ్యవసాయ రంగాన్ని సురక్షితం చేస్తూ, నూతన, పరిశోధన ఆధారిత పరిష్కారాలను భారతీయ రైతులకు అందించడం. దీని ద్వారా రైతులకు సాధికారత కల్పించి, వారి కుటుంబాలను అభివృద్ధిలోకి తీసుకురావాలని మేం కృషి చేస్తున్నాం. మెరుగైన ఉత్పాదకతను సాధించాలనుకునే మొక్కజొన్న రైతులకు, పంట పెరిగే మొదటి దశలలో కలుపును సమర్థంగా నియంత్రించడం చాలా ముఖ్యమైనది. అందుకే, ‘అషితాక’ను విడుదల చేయడం అనేది ఈ ప్రాంతంలోని రైతులకు దిగుబడిని పెంచడానికి, వారి లాభదాయకతను మెరుగుపరచడానికి ఒక శక్తివంతమైన పరిష్కారాన్ని అందించే దిశగా మేము వేసిన ఒక ముఖ్యమైన అడుగు.” అని పేర్కొన్నారు.
అషితాక మొక్కజొన్నలో కలుపును సమర్థంగా నియంత్రించడం ద్వారా, పంట-కలుపు పోటీ తగ్గుతుంది. దీనివలన పరిమితంగా ఉన్న నేల తేమ, పోషకాలు పంటకు సరిగ్గా అందుతాయి. అలాగే, పుష్పించడం, గింజ అవుతున్న ముఖ్యమైన దశల్లో మొక్క ఆరోగ్యం మెరుగ్గా ఉంటుంది. కలుపు 2 నుండి 4 ఆకుల దశలో ఉన్నప్పుడు, 400 మిల్లీలీటర్ల (ml) సర్ఫ్యాక్టెంట్‌తో కలిపి 50 మిల్లీలీటర్ల (ml) అషితాకను ఒక ఎకరాకు సిఫార్సు చేసిన మోతాదులో వాడాలి. ఈ విధంగా త్వరగా కలుపును నియంత్రించడం వలన, వాతావరణ ఒత్తిడి పెరిగినప్పుడు మరింత తీవ్రమయ్యే దిగుబడి నష్టాలు తగ్గుతాయి. దీని ఫలితంగా, ముఖ్యంగా వర్షాధార ప్రాంతాలలో, పంట ఉత్పత్తి స్థిరంగా ఉండి, ధాన్యం నాణ్యత మెరుగుపడుతుంది. ఆదాయంలో హెచ్చుతగ్గుల నుండి రైతులకు రక్షణ లభిస్తుంది.
పశువుల దాణా, పరిశ్రమలు, జీవ ఇంధనం కోసం మొక్కజొన్నకు డిమాండ్ పెరుగుతున్న నేపథ్యంలో, వివిధ రకాల వ్యవసాయ-వాతావరణ పరిస్థితులను ఎదుర్కోవడానికి రైతులకు సహాయం చేయడానికి గోద్రేజ్ ఆగ్రోవెట్ ‘అషితాక’ను ప్రారంభించింది. ఇది సంవత్సరం పొడవునా మొక్కజొన్న ఉత్పత్తి, సరఫరాకు మద్దతు ఇస్తుంది. పంట కొరత ఉన్న నెలల్లో ముడి పదార్థాల లోటును తగ్గిస్తుంది.
