తోడు

సోదరా, నువ్వు ఎక్కడికెళ్లావు?
నీ భుజం మీద
మరణించిన ఆ పక్షి గుంపును
ఎక్కడికి తీసుకెళ్లావ్‌?
సోదరి, నేను నా తల్లి దగ్గరికి వెళ్లాను.
కురిసిన వర్షం ఈ పక్షులని చంపేసింది.
వీటిని బతికించుకునేందుకు వెళ్లాను.
సోదరా, మీ అమ్మ ఎక్కడుంటుంది?
గాలి నివాసాన్ని దాటి,
మేఘాల ఊరేగింపును దాటి
రాబందుల్లా విశ్రమించే
శిఖరాగ్ర కొండల దగ్గర.
చుక్కలు నిండిన ఆకాశం,
స్మశాన గీతాలు, ఏడుపులకవతల
అక్కడ ఒక వెల్వెట్‌ చెరువుంది.
అక్కడ ఓ లిల్లీ పువ్వు పైన
మా అమ్మ తన జీవితాన్ని నెట్టుకొస్తోంది
సోదరా, ఆ కొండలను ఎలా దాటుకెళ్ళావు?
గాలి నిన్ను నలిపేస్తుంది.
మేఘాలు నిన్ను సమాధి చేస్తాయి.
నక్షత్రాలు నిన్ను కాల్చేస్తాయి.
రాళ్ల నడుమ, ఆకుల్లోని జీవంలో
చలనం తెస్తూ
సోదరి, నేను పాటలో ప్రయాణం చేస్తాను.
సోదరా, నన్ను నీతో తీసుకెళ్తావా?
నీ తల్లిని నా తల్లిగా చెప్పుకుంటాను.
నీ పాటలో నేను నా జడని విప్పుతాను.
నా చేతులను విసిరేస్తాను.
నా హదయాన్ని నగం చేస్తాను.
సోదరి, నేను నిన్ను నాతో తీసుకెళ్తే
అమ్మ కోప్పడుతుంది.
నా ఒంటరితనమె నా తలరాత.
సోదరా, అయితే నేను పక్షినవుతాను.
వర్షం నన్ను చంపేస్తుంది.
మరణించిన పక్షిగా
నేను నీ భుజాల మీద ప్రయాణిస్తాను.
అస్సామి : నీలీమ్‌ కుమార్‌,
ఆంగ్లం : దిబ్యజ్యోతి శర్మ
తెలుగు : రమేశ్‌ కార్తీక్‌ నాయక్‌