సౌత్ కార్నివాల్ లో జీలకార్ విజయానంద్ కు ఉత్తమ వైస్ చైర్మన్ అవార్డులు

నవతెలంగాణ- కంఠేశ్వర్ 
ఈనెల తేది 5, 6 జూలై విశాఖపట్నం లో కాకతీయ కన్వెన్షన్ హాల్ లో సౌత్ కార్నివాల్ కార్యక్రమం నిర్వహించగా ఈ కార్యక్రమానికి 2 తెలుగు రాష్ట్రాలతో పాటు 14 రాష్ట్రాలకు చెందిన 18 క్లబ్బులు పాల్గొన్నాయి. ఇందూరు కు చెందిన విజయానంద్ జె సి ఐ అలుమ్ని క్లబ్ ఇండియా జోన్ 12(తెలంగాణ మరియు కర్ణాట ) లో వైస్ చైర్మన్ (పబ్లిక్ రిలేషన్ ప్రోగ్రామ్, శిక్షణ విభాగం కోచింగ్ మరియు మెంటరింగ్ ) గా వ్యవహరిస్తున్నారు.  విజయానంద్ కు ఉత్తమ జోన్ వైస్ చైర్మన్ గా మరియు అతను వ్యవహరిస్తున్న ఉత్తమ శిక్షణ విభాగo కోచింగ్-మెంటారింగ్, పబ్లిక్ రిలేషన్ కార్యక్రమం లకు కూడా అవార్డులు లభించాయి.అవార్డుల ను ఇండియా నేషనల్ చైర్మన్ అంజలి బాత్ర గుప్తా, నేషనల్ వైస్ చైర్మన్ జై కుమార్, అందచేశారు. ఈ కార్యక్రమం లో నేషనల్ వైస్ చైర్మన్ మనోజ్ టక్కర్, నేషనల్ కోఆర్డినేటర్ జి. వి. ఎన్.రాజు, జోన్ వైస్ చైర్మన్ లు నవీన్ చావల్ల, మహేష్ గోలేచ్చ, శ్రీనివాస్ వీరబోమ్మ,మరియు జోన్ అధికారులు వినయ్, చైతన్య, సంతోష్ లు పాల్గొన్నారు.