భిన్న కాన్సెప్ట్‌తో’మార్షల్‌’

‘సత్యం సుందరం’తో అలరించిన హీరో కార్తీ ఇప్పుడు విమర్శకుల ప్రశంసలు పొందిన ‘తానక్కారన్‌’ చిత్ర డైరెక్టర్‌ తమిజ్‌తో తన 29వ చిత్రాన్ని చేస్తున్నారు. ఈ ప్రాజెక్ట్‌ను డ్రీమ్‌ వారియర్‌ పిక్చర్స్‌ బ్యానర్‌ పై ఎస్‌ఆర్‌ ప్రకాష్‌ బాబు, ఎస్‌ఆర్‌ ప్రభు నిర్మిస్తున్నారు. ఇషాన్‌ సక్సేనా సహ నిర్మాత. కార్తీని ఇంటెన్స్‌గా ప్రెజెంట్‌ చేసిన అద్భుతమైన పోస్టర్‌తో మేకర్స్‌ ఈరోజు ‘మార్షల్‌’ అనే టైటిల్‌ను రిలీజ్‌ చేశారు. గురువారం పూజా కార్యక్రమంతో ఈ సినిమా రెగ్యులర్‌ షూటింగ్‌ ప్రారంభమైంది. ఈ భారీ బడ్జెట్‌ చిత్రంలో కళ్యాణి ప్రియదర్శన్‌ కథానాయికగా నటిస్తోంది. ఈ సినిమా కార్తీ నటించిన గత చిత్రాలతో పోలిస్తే చాలా భిన్నంగా ఉంటుందని మేకర్స్‌ తెలిపారు. సత్యరాజ్‌, ప్రభు, లాల్‌, జాన్‌ కొక్కెన్‌, ఈశ్వరి రావు, మురళీ శర్మ ఇందులో కీలక పాత్రల్లో నటిస్తున్నారు. ఈ చిత్రాన్ని అత్యున్నత స్థాయి సాంకేతిక, నిర్మాణ విలువలతో భారీ స్థాయిలో రూపొందిస్తున్నారు. ఈ చిత్రానికి రచన, దర్శకత్వం: తమిజా, సంగీతం: సాయి అభ్యంకర్‌, డీవోపీ: సత్యన్‌ సూర్యన్‌, ఎడిటర్‌: ఫిలోమిన్‌ రాజ్‌, ప్రొడక్షన్‌ డిజైనర్‌: అరుణ్‌ వెంజరమూడు.