కేరళకు ఫుట్‌బాల్ దిగ్గజం మెస్సీ

న‌వ‌తెలంగాణ‌-హైద‌రాబాద్‌: ఫుట్‌బాల్ దిగ్గజం మెస్సీతో సహా అర్జెంటీనా జట్టు డిసెంబర్‌లో కేరళకు రానున్నారని, వారికి ఘన స్వాగతం పలికేందుకు కేరళ ఉత్తేజకరంగా ఎదురుచూస్తుందని సిపిఐ(ఎం) రాష్ట్ర కార్యదర్శి ఎం.వి. గోవిందన్ అన్నారు. ఇప్పటికే స్టేడియం, వసతి, ప్రయాణం మరియు భద్రతా ఏర్పాట్లను పరిశీలించిన జట్టు మేనేజర్ హెక్టర్ డేనియల్ అన్నీ సంతృప్తికరంగా ఉన్నాయని తెలియజేశారు. కొన్ని మీడియా సంస్థలు మెస్సీ , అర్జెంటీనా రావడం లేదని చాలా రోజులుగా పెద్దయెత్తున ప్రచారం చేస్తున్నారని తెలిపారు. అయితే ఇప్పుడు వాటిని సరిదిద్దాల్సి వచ్చిందని ఎద్దేవా చేశారు. జట్టు రాక వారిని నిరాశపరిచిందన్నారు. ప్రపంచ కప్ చూడటానికి ఖతార్‌కు వెళ్లిన మలయాళీల గురించి మనకు తెలుసు. ఫుట్‌బాల్ ఒక ప్రసిద్ధ క్రీడ అని, మెస్సీ, అర్జెంటీనా జట్టు గురించి ప్రపంచానికి తెలుసునని గోవిందన్ అన్నారు.