మ్యూజికల్‌ రొమాంటిక్‌ లవ్‌స్టోరీ

సంతోష్‌ శోభన్‌ హీరోగా నటిస్తున్న కొత్త సినిమా ‘కపుల్‌ ఫ్రెండ్లీ’. మానస వారణాసి హీరోయిన్‌. యూవీ క్రియేషన్స్‌ సమర్పణలో యూవీ కాన్సెప్ట్స్‌ ఈ చిత్రాన్ని తెలుగు, తమిళ భాషల్లో నిర్మిస్తోంది.
అశ్విన్‌ చంద్రశేఖర్‌ దర్శకుడు. మ్యూజికల్‌ రొమాంటిక్‌ లవ్‌స్టోరీగా తెరకెక్కిన ఈ సినిమా త్వరలో తెలుగుతో పాటు తమిళంలో థియేట్రికల్‌ రిలీజ్‌కు రెడీ అవుతోంది. ఈ నేపథ్యంలో శుక్రవారం మేకర్స్‌ టీజర్‌ను రిలీజ్‌ చేశారు.
‘నెల్లూరుకు చెందిన యువకుడు శివ(సంతోష్‌ శోభన్‌) ఇంటీరియర్‌ డిజైనింగ్‌ చేసి సరైన ఉద్యోగం లేక చెన్నై నగరంలో ఇబ్బందులు పడుతుంటాడు. ఖర్చుల కోసం బైక్‌ పూలింగ్‌ చేస్తుంటాడు. శివ బైక్‌ పై ప్రీతి జర్నీ చేస్తుంది. అపరిచితులుగా కలిసిన శివ, ప్రీతి ప్రేమికులుగా మారడం, సన్నిహితంగా ఉన్న వారి ప్రేమ సన్నివేశాలను చూపిస్తూ టీజర్‌ ఆసక్తికరంగా సాగింది. ఈ టీజర్‌ కోసం మ్యూజిక్‌ డైరెక్టర్‌ ఆదిత్య రవీంద్రన్‌ కంపోజ్‌ చేసిన ‘స్పార్క్స్‌ ఇన్‌ యువర్‌ ఐస్‌, దే షైన్‌..’ అంటూ సాగే బిట్‌ సాంగ్‌ ఆకట్టుకుంటోంది. ‘ఒకప్పటి సాధారణ క్షణాలన్నీ జ్ఞాపకాలుగా మారడమే జీవితం..’ అంటూ టీజర్‌ చివరలో వేసిన క్యాప్షన్‌ ఈ సినిమా బ్యాక్‌ డ్రాప్‌ను రిఫ్లెక్ట్‌ చేసింది అని చిత్ర యూనిట్‌ తెలిపింది.