మరోసారి లెఫ్ట్‌ లేబర్‌ పార్టీదే గెలుపు..!

నవతెలంగాణ ఓషియానియా : శనివారం ఆస్ట్రేలియా పార్లమెంటు ఎన్నికలు జరుగుతున్నాయి. ఈ ఎన్నికల్లో లెఫ్ట్‌ లేబర్‌ పార్టీనే గెలిచే అవకాశం ఉందని మీడియా వర్గాలు పేర్కొన్నాయి. ప్రస్తుతం అక్కడ లెఫ్ట్‌ లేబర్‌ పార్టీనే అధికారంలో ఉంది. ప్రధానిగా ఆంథోని అల్బనీస్‌ ఉన్నారు. ఈ ఎన్నికల్లో ప్రతిపక్షనేత లిబరల్‌ నేషనల్‌ పార్టీ నేత పీటర్‌ డటన్‌కి, ప్రస్తుత ప్రధాని ఆంథోనీ అల్బనీస్‌కే మధ్యే ప్రధాన పోటీ నెలకొంది. ఈ ఎన్నికల్లో లేబర్‌ పార్టీ 52.5 శాతం ఓట్లు సాధించే అవకాశం ఉందని, లిబరల్‌ నేషనల్‌ పార్టీకి 47.5 శాతం మేర ఓట్లు పోలయ్యే అవకాశం ఉందని పలు సర్వేలు వెల్లడించాయి.
కాగా, పోలింగ్‌ ఉదయం 8 గంటల నుంచి సాయంత్రం 6 గంటల వరకు జరగనుంది. ఈ ఎన్నికల్లో 18 మిలియన్ల ఓటర్లు తమ ఓటుహక్కును వినియోగించుకోనున్నారు.