నవతెలంగాణ-సిటీబ్యూరో హైదరాబాద్
సీపీగా మహేష్ భగవత్ బాధ్యతలు చేపట్టారు. శుక్రవారం బంజా రాహిల్స్‌లోని తెలంగాణ ఇంటిగ్రేటెడ్ కమాండ్ అండ్ కంట్రోల్ సెంటర్ భవనంలో అధి కారికంగా గత సీపీ సజ్జనార్‌ ‌నుంచి ఆయన బాధ్యతలు స్వీకరించారు. ఈ సందర్భంగా ప్రభుత్వానికి, సీఎం రేవంత్ రెడ్డికి ఆయన కృతజ్ఞతలు తెలిపారు. అనంతరం సీపీ మాట్లా డుతూ.. హైదరాబాద్‌లో శాంతి భద్రతలు, మహిళా భద్రత, ట్రాఫిక్ వంటివి కీలక అంశాలపై ప్రత్యేక దృష్టి సారిస్తా మన్నారు. సివిల్‌ ‌దగాదాల్లో పోలీసుల జోక్యం లేకుండా అన్ని చర్యలూ తీసుకుంటామన్నారు. మరోవైపు ల్యాండ్ వాల్యూ పెరగడం వల్ల భూ తగాదాల్లో దాడులు జరుగుతున్నాయని, వీటిపై కఠిన చర్యలు తీసుకుంటామని చెప్పారు. హైదరాబాద్‌లో అనుభవం ఉన్న అధికారులు ఎందరో ఉన్నారని, అందరితో కలిసి టీమ్‌గా పని చేస్తామని వెల్లడించారు. తరచూ నేరాలకు పాల్పడుతున్న వారిపై కఠిన చర్యలు తీసుకుంటామని, అవసరమైతే పీడీ యాక్ట్‌లు నమోదు చేస్తామన్నారు. పాత నేరస్థులపై నిఘా ఉంచుతామన్నారు. పోలీసులు అక్రమ వసూళ్లకు పాల్పడితే క్రిమినల్ కేసులు నమోదు చేస్తామని, అవసరమైతే శాఖాపరమైన చర్యలూ తీసుకుంటామని హెచ్చరించారు.