నగరంలో ఎక్కడ నీరు నిలిచిపోకుండా చర్యలు తీసుకోవాలి 

• వర్షాకాలం సమీపిస్తున్నందున నగరంలో మున్సిపల్ కమిషనర్ పర్యటన 
  – సిబ్బందికి ఆదేశించిన మున్సిపల్ కమిషనర్ 

నవతెలంగాణ కంఠేశ్వర్ వర్షాకాలం సమీపిస్తున్న తరుణంలో నిజామాబాద్ మున్సిపల్ కమిషనర్ దిలీప్ కుమార్ శుక్రవారం నగరంలోని పలు ప్రాంతాలలో పర్యటించారు. మున్సిపల్ కమిషనర్ డి-54 కాలువను తనిఖీ లో భాగంగా సందర్శించారు. కాంట్రాక్టర్ కాలువ నుండి సిల్ట్‌ను పూర్తిగా తొలగించాలని  ఇన్చార్జ్ మున్సిపల్ హెల్త్ ఆఫీసర్, శానిటరీ సూపర్‌వైజర్‌ను ఆదేశించారు. మున్సిపల్ అసిస్టెంట్ ఇంజనీర్ సంబంధిత డిప్యూటీ ఎగ్జిక్యూటివ్ ఇంజనీర్‌లను డీసిల్టింగ్ పనులను క్రమం తప్పకుండా పర్యవేక్షించాలని, సకాలంలో పూర్తి చేయాలని ఆదేశించారు.ఇంకా కొనసాగుతున్న పారిశుధ్య కార్యకలాపాలను సమీక్షించడానికి కమిషనర్ నగరంలోని వివిధ ప్రాంతాలను సందర్శించి పరిశీలించారు. తనిఖీలో సర్కిల్-3, డివిజన్ నంబర్ 28, సర్కిల్-5, డివిజన్ నంబర్ 60; మాధవ్ నగర్, డివిజన్ నంబర్ 4, కంటేశ్వర్ రోడ్, లక్ష్మీ ప్రియా నగర్, డివిజన్ నంబర్ 18, మొత్తం నిజామాబాద్ పట్టణ రింగ్ రోడ్ ప్రాంతం లో సందర్శించి రానున్న వర్షాకాలం నేపథ్యంలో ఎక్కడ ఎలాంటి మీరు నిలిచి ఉండకుండా ఉండేలా సంబంధిత సిబ్బంది చర్యలు తీసుకోవాలని సూచించారు. ఈ వర్షాకాలం వేగంగా సమీపిస్తున్నందున ఎక్కడా నీరు నిలిచిపోకూడదని  అన్ని మున్సిపల్ పారిశుధ్య సిబ్బందికి కఠినమైన సూచనలు జారీ చేశారు. ఈ కార్యక్రమంలో జయకుమార్, సాజిద్ అలీ, తదితరులు పాల్గొన్నారు.