‘కేజీఎఫ్‌, సలార్‌’ లాంటి యాక్షన్‌ చిత్రాలకు సంగీతం అందించి మ్యూజిక్‌ డైరెక్టర్‌గా ఒక సంచలనం సృష్టించిన రవి బస్రూర్‌.. ఇప్పుడు దర్శకుడిగా కూడా సత్తా చాటుతున్నారు. ఆయన దర్శకత్వంలో రూపొందిన కన్నడ చిత్రం ‘వీర చంద్రహాస’. శివరాజ్‌ కుమార్‌ కీలక పాత్ర పోషించారు. కన్నడ అగ్ర నిర్మాణ సంస్థ హోంబలే ఫిల్మ్స్‌ సమర్పణలో ఓంకార్‌ మూవీస్‌ బ్యానర్‌పై ఎన్‌.ఎస్‌.రాజ్‌కుమార్‌ నిర్మించారు. ఈనెల 18న కన్నడలో విడుదలైన ఈ చిత్రం బ్లాక్‌ బస్టర్‌ హిట్‌ టాక్‌ను సొంతం చేసుకుంది. తెలుగులోనూ ఈ చిత్రం విడుదలకు సిద్ధమవుతోంది. కంచి కామాక్షి కోల్‌కతా కాళీ క్రియేషన్స్‌ బ్యానర్‌పై ఎమ్‌వీ రాధాకృష్ణ ఈ చిత్రాన్ని తెలుగు రాష్ట్రాల్లో విడుదల చేయబోతున్నారు. గతంలో శివరాజ్‌ కుమార్‌ నటించిన ‘వేద’, ప్రజ్వల్‌ దేవరాజ్‌ నటించిన ‘రాక్షస’ చిత్రాలను తెలుగులో రిలీజ్‌ చేసిన ఆయన తాజాగా ఈ చిత్ర తెలుగు రైట్స్‌ను దక్కించుకున్నారు. అతి త్వరలోనే సినిమా రిలీజ్‌ డేట్‌ను అనౌన్స్‌ చేయనున్నారు. ఈ సందర్భంగా నిర్మాత ఎమ్‌వీ రాధాకృష్ణ మాట్లాడుతూ, ‘రీసెంట్‌గా కన్నడలో విడుదలై ఈ సినిమా మంచి వసూళ్లను రాబడుతోంది. ఈ చిత్రానికి తెలుగు ఆడియెన్స్‌ను కూడా బ్రహ్మారథం పడతారని ఆశిస్తున్నా. సినిమా సక్సెస్‌ గ్యారెంటీ అని నమ్ముతున్నా వీర చంద్రహాస అనేది ‘మహాభారతం’లోని అశ్వమేధిక పర్వంలోని కథ. ఇది ఒక అనాథ కుర్రాడి తాలూకా గొప్ప కథను చెబుతుంది. పరాక్రమవంతుడు, సద్గుణవంతుడు వీర చంద్రహాసుడు అవుతాడు. సినిమా చరిత్రలో మొట్టమొదటిసారిగా యక్షగానం వెండితెరపై పూర్తి వైభవంతో రావడం ప్రేక్షకులకు గొప్ప సినిమాటిక్‌ ఎక్స్‌పీయెన్స్‌ ఇచ్చేలా ఉంటుంది’ అని తెలిపారు.
తెలుగులోనూ విజయం ఖాయం
- Advertisement -
Previous article![]( "ఓ యూనివర్సల్‌ బ్యాచ్‌లర్‌ కథ")
Next article![]( "మాకు ప్రేక్షకుల ఫీలింగే ముఖ్యం")
RELATED ARTICLES
