నవతెలంగాణ-హైద‌రాబాద్‌: వక్ఫ్‌ సవరణ చట్టం-2025పై మొత్తంగా స్టే విధించేందుకు సుప్రీంకోర్టు సోమవారం నిరాకరించింది. మొత్తం చట్టాన్ని నిలిపివేయడానికి ఎటువంటి కేసు వేయలేదని, కానీ కొన్ని విభాగాలకు కొంత రక్షణ అవసరం భారత ప్రధాన న్యాయమూర్తి బి.ఆర్‌.గవాయ్, జస్టిస్‌ ఎ.జి.మసిహ్‌లతో కూడిన ధర్మాసనం వ్యాఖ్యానించింది. చట్టం రాజ్యాంగ బద్ధతను సవాలు చేసే పిటిషన్లు నిర్ణయించబడి వరకు ఈ నిబంధనలను నిలిపివేశారు. కోర్టు తన అంచనా ఎప్పుడూ చట్టం యొక్క రాజ్యాంగ బద్ధతకు అనుకూలంగా ఉంటుందని, అరుదైన కేసుల్లో మాత్రమే కోర్టు జోక్యం చేసుకోవాలని పేర్కొంది.
వ్యక్తిగత పౌరుల హక్కులపై తీర్పు చెప్పడానికి జిల్లా కలెక్టర్‌ అనుమతించబడరని, ఇది అధికారాల విభజనను ఉల్లంఘిస్తుందని పేర్కొంది. కలెక్టర్‌కు అధికారాలను కట్టబెట్టిన ఈ నిబంధనను నిలిపివేస్తున్నట్లు తెలిపింది. సుమారు ఐదు సంవత్సరాలు ఇస్లాంను ఆచరిస్తున్న వ్యక్తికి మాత్రమే ఆస్తిని వక్ఫ్‌ చేయడానికి అవకాశం ఉంటుందన్న నిబంధనను నిలిపివేసింది. ఒక వ్యక్తి ఇస్లాంను అనుసరిస్తున్నట్లు నిర్ణయించేలా నిబంధనలు రూపొందించేవరకు ఇది అమల్లో ఉంటుందని చీఫ్‌ జస్టిస్‌ గవాయ్ పేర్కొన్నారు. ఎటువంటి యంత్రాంగం లేకుండా, అది ఏకపక్ష అధికారాన్ని వినియోగించుకోవడానికి దారితీస్తుంది అని పేర్కొన్నారు. వక్ఫ్‌ బోర్డులో ముగ్గురు కంటే ఎక్కువ ముస్లింయేతర సభ్యులను, సెంట్రల్‌ వక్ఫ్‌ కౌన్సిల్‌లో నలుగురి కంటే ఎక్కువ మందిని చేర్చకూడదని కూడా ధర్మాసనం స్పష్టం చేసింది.
