జ్ఞానేష్ కుమార్ రాజీనామా చేయాలి:SFI, DYFI

నవతెలంగాణ-హైదరాబాద్: ప్రధాన ఎన్నికల కమిషనర్ జ్ఞానేష్ కుమార్ రాజీనామా చేయాలని డిమాండ్ చేస్తూ, జంతర్ మంతర్‌ను తిరిగి నిరసన ప్రదేశంగా పొందాలని కోరుతూ..స్టూడెంట్స్ ఫెడరేషన్ ఆఫ్ ఇండియా (SFI), డెమోక్రటిక్ యూత్ ఫెడరేషన్ ఆఫ్ ఇండియా (DYFI) ఫిరోజ్ షా రోడ్ నుండి జంతర్ మంతర్ వరకు సంయుక్త నిరసన ప్రదర్శన నిర్వహించాయి. ఢిల్లీలో నిరసనలు, ప్రదర్శనలు నిర్వహించడానికి నిర్దేశిత వేదికల జాబితా నుండి జంతర్ మంతర్‌ను తొలగించిన విషయం తెలిసిందే.ఢిల్లీ పోలీసులు తూర్పు ఢిల్లీలోని రామ్‌లీలా గ్రౌండ్, బురారీ గ్రౌండ్, సీబీడీ గ్రౌండ్‌లను మూడు కొత్త నిరసన వేదికలుగా నిర్దేశించారు. ఈ నిర్ణయాన్ని ఖండిస్తూ మోడీ ప్రభుత్వానికి వ్యతిరేకంగా నినాదాలు చేశారు.