నవతెలంగాణ-హైదరాబాద్: భారత ఎన్నికల సంఘం (ఈసీఐ) పనితీరుపై ఆందోళన వ్యక్తం చేస్తూ, రాష్ట్రపతి ద్రౌపది ముర్ముకు వినతిపత్రం సమర్పించేందుకు... ప్రతిపక్ష ఇండియా కూటమికి చెందిన పార్లమెంట్ సభ్యులు శుక్రవారం పార్లమెంట్ హౌస్ నుంచి రాష్ట్రపతి భవన్ వైపు పాదయాత్ర ప్రారంభించారు. ప్లకార్డులు పట్టుకుని, నినాదాలు చేస్తూ, ఎన్నికల సమగ్రత, ఎన్నికల సంఘం నిర్వహణ విషయంలో రాష్ట్రపతి జోక్యం చేసుకోవాలని ప్రతిపక్ష నాయకులు కోరారు. ఎన్నికల సంఘంలో సంస్థాగత పక్షపాతం ఉందని రాష్ట్రీయ జనతా దళ్ (ఆర్జేడీ) ఎంపీ మనోజ్ కుమార్ ఝా తీవ్రంగా విమర్శించారు. ఎన్నికల ప్రక్రియలో అక్రమాలు జరిగాయన్న ఆరోపణలపై 'ఇండియా' (INDIA) కూటమి నేతలు రాష్ట్రపతి ద్రౌపది ముర్మును కలవడానికి ముందు, మెట్రో స్టేషన్ల మూసివేత రైలు సేవల రద్దు అంశాలను ప్రస్తావిస్తూ కాంగ్రెస్ అధ్యక్షుడు మల్లికార్జున ఖర్గే ప్రభుత్వం భయంతో వ్యవహరిస్తోందని ఆరోపించారు.