తెలంగాణ సంస్కృతి, సంప్రదాయాలకు ప్రతిరూపమైన బతుకమ్మ పండుగను పురస్కరించుకుని సత్తుపల్లిలోని నారాయణ పాఠశాలలో శుక్రవారం బతుకమ్మ సంబురాలను అత్యంత వైభవంగా నిర్వహించారు. పూలపండుగ విశిష్టతను ప్రతిబింబించేలా పాఠశాల ప్రాంగణమంతా రంగురంగుల పూల శోభతో, పండుగ వాతావరణంతో కళకళలాడింది.ఈ వేడుకల్లో పాఠశాల విద్యార్థులు, తల్లిదండ్రులు, ఉపాధ్యాయులు ఎంతో ఉత్సాహంగా పాల్గొన్నారు. విద్యార్థినులు సంప్రదాయ దుస్తులు ధరించి, రకరకాల పూలతో అందమైనబతుకమ్మలను పేర్చారు. అనంతరం బతుకమ్మ పాటలు పాడుతూ, సంప్రదాయ నృత్యాలతో ప్రాంగణంలో సందడి చేశారు. తల్లిదండ్రులుసైతం ఈ సంబురాలలో భాగస్వాములై వేడుకలకు మరింత శోభను తెచ్చారు.

ఈ సందర్భంగా పాఠశాల ప్రిన్సిపాల్ రామమూర్తి మాట్లాడుతూ...విద్యార్థులకు విద్యాబుద్ధులతో పాటు మన సంస్కృతి, సంప్రదాయాలు, పండుగల విశిష్టతలను తెలియజేయడం ఎంతో ముఖ్యమని తెలిపారు. ఇలాంటి వేడుకలు పిల్లల్లో ఐక్యతాభావాన్ని, సామాజిక స్పృహను, మన సంస్కృతి పట్ల గౌరవాన్ని పెంపొందిస్తాయని అన్నారు. ఈ కార్యక్రమంలో ఏజీఎం రామ్‌కీ, ఆర్‌ఐ క్రాంతి, కో-ఆర్డినేటర్లు వినోద లక్ష్మి, నీలిమ, వైస్ ప్రిన్సిపాల్స్ రమ్య, దివ్య, ఉపాధ్యాయులు, విద్యార్థులు, తల్లిదండ్రులు పాల్గొన్నారు.