హైదరాబాద్‌లో ఫర్నిచర్ గోడౌన్‌లో భారీ అగ్నిప్రమాదం..

నవతెలంగాణ-హైదరాబాద్‌ : హైదరాబాద్‌లోని సాబేర్ నగర్ కాలనీలో ఫర్నిచర్ గోడౌన్‌లో సోమవారం అర్ధరాత్రి భారీ అగ్నిప్రమాదం జరిగింది. సయ్యద్ అలీ గూడ పరిధిలోని తపాచబుత్ర పోలీస్‌ స్టేషన్‌ పరిధిలో ఈ ఘటన చోటుచేసుకుంది. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. ప్రమాదంలో గోడౌన్‌ పూర్తిగా దగ్ధమైనట్లు సమాచారం. అగ్నిప్రమాదానికి గల కారణాలు, ఆస్తి నష్టం వివరాలు తెలియాల్సి ఉంది.