కోయంబత్తూర్ కు టెక్స్ మో మెకానిక్ లు..

నవతెలంగాణ – రాజన్న సిరిసిల్ల
టెక్స్మో ఇండస్ట్రీస్, మోటార్ పంపుల తయారీలో దేశంలోనే ప్రముఖ సంస్థ, మారుతున్న సాంకేతికతకు అనుగుణంగా రైతులకు, గృహ వినియోగదారులకు నాణ్యమైన సేవలను అందిస్తోంది. ఇందులో భాగంగా, తమ మెకానిక్‌ల సాంకేతిక నైపుణ్యాలను మెరుగుపరచడానికి ప్రత్యేక అధ్యయన శిబిరాలను నిర్వహిస్తోంది.​ఈ కార్యక్రమం కింద, రాజన్న సిరిసిల్ల జిల్లాలోని టెక్స్మో అధీకృత డీలర్ సంతోష్ ఎలక్ట్రికల్స్ అండ్ ఇంజనీరింగ్ స్టోర్స్ ఆధ్వర్యంలో కొంతమంది మెకానిక్‌లు కోయంబత్తూర్‌లోని టెక్స్మో ప్రధాన కార్యాలయాన్ని సందర్శించారు. అక్కడ వారికి సాంకేతిక పరిజ్ఞానంపై శిక్షణ ఇవ్వబడుతుంది .​సంతోష్ ఎలక్ట్రికల్స్ యజమానులు, టెక్స్మో డీలర్లు  చింతోజు భాస్కర్ ,చింతోజు నారాయణ ఈ పర్యటనకు జెండా ఊపి ప్రారంభించారు.

ఈ సందర్భంగా చింతోజు భాస్కర్ మాట్లాడుతూ.. 1956లో స్థాపించబడిన టెక్స్మో ఇండస్ట్రీస్, గత 70 ఏళ్లుగా సంస్థ ఎండీ దమయంతి రామచంద్రన్ నాయకత్వంలో అగ్రస్థానంలో కొనసాగుతోందని అన్నారు. ఈ సంస్థ నాణ్యమైన సేవలు అందించడంలో అంకితభావంతో పనిచేస్తుందని ఆయన తెలిపారు.​మారుతున్న ఇంజనీరింగ్ టెక్నాలజీని అందిపుచ్చుకోవడానికి, మెకానిక్‌లు తమ నైపుణ్యాలను మరింత మెరుగుపరుచుకోవాలన్న ఉద్దేశ్యంతో ఈ అధ్యయన పర్యటనను ఏర్పాటు చేశామని చింతోజు భాస్కర్ పేర్కొన్నారు. ఈ కార్యక్రమంలో దుర్గయ్య చారి, శ్రీనివాస్ రెడ్డి, పోశెట్టి, నాగయ్య వంటి మెకానిక్‌లు పాల్గొన్నారు.