నితిన్‌ హీరోగా, శ్రీరామ్‌ వేణు దర్శకత్వంలో రూపొందుతున్న చిత్రం ‘తమ్ముడు’. శ్రీ వెంకటేశ్వర క్రియేషన్స్‌ నిర్మిస్తున్న ఈ చిత్రంలో లయ, వర్ష బొల్లమ్మ, సప్తమి గౌడ కీలక పాత్రలు పోషిస్తున్నారు.
ఆదివారం దర్శకుడు శ్రీరామ్‌ వేణు పుట్టినరోజు సందర్భంగా ఈ మూవీ రిలీజ్‌ డేట్‌ను మేకర్స్‌ అనౌన్స్‌ చేశారు. జూలై 4న ఈ సినిమాను రిలీజ్‌ చేస్తున్నట్లు ప్రకటించారు. ఈ సందర్భంగా రిలీజ్‌ చేసిన ఓ స్పెషల్‌ వీడియో క్రియేటివ్‌గా, ఎంటర్‌టైనింగ్‌గా ఉండి అందర్నీ ఆకట్టుకుంటోంది.
ఈ మూవీ రిలీజ్‌ డేట్‌ అనౌన్స్‌మెంట్‌ని డిఫరెంట్‌గా ప్లాన్‌ చేశారు మేకర్స్‌. ఈ చిత్రంలో నటించిన వివిధ భాషలకు చెందిన యాక్టర్స్‌ స్వసిక విజయన్‌, వర్ష బొల్లమ్మ, సప్తమి గౌడ, లయ, బేబి శ్రీరామ్‌ దీత్య ఒక్కొక్కరుగా డైరెక్టర్‌ శ్రీరామ్‌ వేణు దగ్గరకు వస్తారు. వీళ్లు తనకు బర్త్‌ డే విషెస్‌ చెెప్పేందుకు వచ్చారని శ్రీరామ్‌ వేణు అనుకోగా…వాళ్లు మాత్రం ”తమ్ముడు” సినిమా రిలీజ్‌ ఎప్పుడు?, ప్రమోషన్‌ ఎప్పుడు బిగిన్‌ చేస్తారు? అని అడుగుతారు.
సుదీర్ఘ విరామం తర్వాత మళ్లీ టాలీవుడ్‌లోకి అడుగుపెడుతున్న లయ. ‘తన పోస్టర్‌ కూడా రిలీజ్‌ చేయలేదు, రిలీజ్‌ డేట్‌ చెప్పడం లేదు’ అని అడుగుతుంది. చివరలో బేబి శ్రీరామ్‌ దీత్య కూడా ‘నేను థర్డ్‌ క్లాస్‌లో ఉన్నప్పుడు మూవీ స్టార్ట్‌ చేశారు, ఇప్పుడు నేను ఫిఫ్త్‌ క్లాస్‌ చదువుతున్నా, మూవీ రిలీజ్‌ డేట్‌ ఎప్పుడు? అని అడుగుతుంది.
దీంతో డైరెక్టర్‌ శ్రీరామ్‌ వేణు వాళ్లకు ఏం చెప్పాలో తెలియక మీకు ఇన్ఫామ్‌ చేస్తానంటూ పంపిస్తారు. చివరలో ప్రొడ్యూసర్స్‌ దిల్‌ రాజు, శిరీష్‌ శ్రీరామ్‌ వేణు బర్త్‌ డే కేక్‌ కట్‌ చేయడంతో పాటు జూలై 4న మూవీ రిలీజ్‌ అంటూ ప్రకటిస్తారు. మంచి ఫన్‌తో డిజైన్‌ చేసిన ఈ వీడియో క్రియేటివ్‌గా ఉండి ప్రేక్షకుల్ని ఆకట్టుకుంటోంది. ఈ చిత్రానికి సినిమాటోగ్రఫీ – కేవీ గుహన్‌, ఎడిటింగ్‌ – ప్రవీణ్‌ పూడి, మ్యూజిక్‌ – అజనీష్‌ లోకనాథ్‌, నిర్మాత – దిల్‌ రాజు, శిరీష్‌, రచన -దర్శకత్వం – శ్రీరామ్‌ వేణు.
‘తమ్ముడు’ రిలీజ్‌ డేట్‌ ఫిక్స్‌
- Advertisement -
- Advertisement -
Previous article![]( "‘విశ్వంభర’లో అవనిగా..")
Next article![]( "ఆకలి చావులు ఎక్కువే..!")
RELATED ARTICLES
