మా అంచనాలకు మించి ప్రేక్షకులు వస్తున్నారు

‘ఈ సినిమాకి ఒక టార్గెట్‌ ఆడియన్స్‌ ఉంటారని ముందు అనుకున్నాం. అయితే అర్జున్‌ సర్కార్‌ క్యారెక్టర్‌ లేడీస్‌కి ఎక్కువగా నచ్చడం మాకు సర్‌ప్రైజింగ్‌గా అనిపించింది. మేం అనుకున్న టార్గెట్‌ ఆడియన్స్‌ కంటే మా అంచనాలను దాటి ప్రేక్షకులు, ముఖ్యంగా ఫ్యామిలీస్‌ వచ్చేస్తున్నారు. అయితే పిల్లల్ని తీసుకురావడం లేదు. అదొక గుడ్‌ థింగ్‌’ అని దర్శకుడు డా.శైలేష్‌ కొలను అన్నారు.
నాని, శ్రీనిధిశెట్టి జంటగా డా.శైలేష్‌ కొలను దర్శకత్వం వహించిన చిత్రం ‘హిట్‌ : ది థర్డ్‌ కేస్‌’. ఈ చిత్రాన్ని వాల్‌ పోస్టర్‌ సినిమా, నాని యూనానిమస్‌ ప్రొడక్షన్స్‌ బ్యానర్స్‌ పై ప్రశాంతి తిపిర్నేని నిర్మించారు. ఈనెల 1న పాన్‌ ఇండియా స్థాయిలో గ్రాండ్‌గా రిలీజై బ్లాక్‌ బస్టర్‌ సక్సెస్‌ని అందుకుని, సక్సెస్‌ఫుల్‌గా రన్‌ అవుతోంది. ఈ సందర్భంగా డైరెక్టర్‌ శైలేష్‌ కొలను మీడియాతో పలు విశేషాల్ని పంచుకున్నారు.
‘హిట్‌’ సెకండ్‌ పార్ట్‌లోనే నాని క్యారెక్టర్‌ ఎలా ఉండబోతుందో చివర్లో ఒక గ్లింప్స్‌లాగా చూపించా. అర్జున్‌ సర్కార్‌ ఎలా ఉంటాడో అప్పుడే ఆడియన్స్‌కి ఒక అవగాహన వచ్చింది. ఈ తరహా పాత్రకు ఎలాంటి క్యారెక్టరైజేషన్‌ కావాలో అలా డిజైన్‌ చేశా. దీనికి అద్భుతమైన రెస్పాన్స్‌ వస్తోంది. గత రెండు రోజులుగా థియేటర్స్‌ విజిట్‌ చేస్తున్నాం. చాలామంది లేడీస్‌ ధియేటర్స్‌ రావడం గమనించాం. బహుశా నానిని అలాంటి డిఫరెంట్‌ క్యారెక్టరైజేషన్‌లో చూడడానికి ఒక ఎగ్జైట్‌మెంట్‌తో వస్తున్నారని భావిస్తున్నాం.
వైలెంట్‌ క్యారెక్టర్‌ గురించి నానికి చెప్పినప్పుడు ప్రిమైజ్‌ చాలా ఇంట్రెస్టింగ్‌గా ఉంది. కథ బాగా చెప్పగలిగితే అద్భుతంగా ల్యాండ్‌ అవుతుందని ముందే అనుకున్నాం. ఈ క్యారెక్టర్‌ మీద నాకు, నానికి మొదటి నుంచి నమ్మకం ఉంది. అది కరెక్ట్‌ప్లేస్‌లో ల్యాండ్‌ అయింది. ఆడియన్స్‌ రెస్పాన్స్‌ అద్భుతంగా ఉంది.
ఇందులో డార్క్‌ వెబ్‌ని చాగా ఎక్స్‌ప్లోర్‌ చేశా. ఎందుకంటే మన ఇండియాలో డార్క్‌ వెబ్‌ బిగ్‌ ప్రాబ్లమ్‌. చాలా ఇల్లీగల్‌ యాక్టివిటీస్‌ జరుగుతున్నాయి. సైబర్‌ డిపార్ట్‌మెంట్‌ దీని మీద వర్క్‌ చేస్తోంది. ఈ సినిమా కోసం కూడా తెలంగాణ, ఆంధ్ర ప్రదేశ్‌ పోలీస్‌ డిపార్ట్‌మెంట్‌ వారు చాలా హెల్ప్‌ చేశారు. డార్క్‌ వెబ్‌ గురించి చాలా ఇన్ఫర్మేషన్‌ ఇచ్చారు.
‘హిట్‌ 4’లో కార్తీ క్యారెక్టర్‌ ఏంటి అనేది నాకు ఐడియా ఉంది. ఆల్రెడీ సినిమాలో చూపించాం. తనకి క్రికెట్‌ అంటే ఇష్టం. బెట్టింగ్స్‌ వేస్తుంటాడు. ఆ క్యారెక్టర్‌ కొంచెం రూటేడ్‌గా ఉండబోతుంది. క్యారెక్టర్‌లో ఫన్‌ కూడా ఉంటుంది. హిట్‌ ఫ్రాంచైజీలో ఆ కథకి ఏది అవసరమో ఆ ఎలిమెంట్‌ని చేసుకుంటూ వెళ్లడం నా ఉద్దేశం. హిట్‌ 1 కంప్లీట్‌గా ఇన్వెస్టిగేషన్‌. హిట్‌2 ఒక సైకో కిల్లర్‌ చుట్టూ నడిచే కథ. హిట్‌ 3 ఒక నేషనల్‌ లెవెల్‌ క్రైమ్‌. ప్రతి మూమెంటు విజిల్‌ కొట్టేలాగా ఉండాలనే ఉద్దేశంతో రాసిన సినిమా ఇది. హిట్‌ 4 వేరే ఎలిమెంట్స్‌తో ఉండొచ్చు.
నేను సిడ్నీలో చదువుకుంటున్న రోజుల్లో ఒక లైబ్రరీ ఉండేది. చాలా పుస్తకాలు అక్కడ అందుబాటులో ఉండేవి. ఖాళీ సమయంలో క్రైమ్‌కి సంబంధించిన చాలా పుస్తకాల్ని చాలా క్షుణ్ణంగా చదువుకున్నాను. ఆ నాలెడ్జ్‌ ఈ డీటెయిలింగ్‌కి బాగా ఉపయోగపడింది.