సరికొత్త లవ్‌ ఎంటర్‌టైనర్‌

అంకిత్‌ కొయ్య, మానస చౌదరి హీరో, హీరో యిన్లుగా యూజీ క్రియేషన్స్‌ బ్యానర్‌లో రూపొందు తున్న చిత్రానికి ‘లవ్‌ జాతర’ అనే టైటిల్‌ని ఖరారు చేశారు. ‘సమ్మతమే’ ఫేమ్‌ డైరెక్టర్‌ గోపీనాథ్‌ రెడ్డి దర్శకత్వంలో ప్రొడ్యూసర్‌ కంకణాల ప్రవీణ నిర్మిస్తున్న ఈ చిత్ర టైటిల్‌ అనౌన్స్‌మెంట్‌తో పాటు ఫస్ట్‌ లుక్‌ పోస్టర్‌ను రిలీజ్‌ చేశారు. ఫస్ట్‌ లుక్‌ పోస్టర్‌ చూస్తుంటే టైటిల్‌కు తగినట్లే కంప్లీట్‌ రోలర్‌ కోస్టర్‌ లవ్‌ ఎంటర్‌టైనర్‌గా ఈ సినిమా ఉండబోతున్నట్లు తెలుస్తోంది. ‘ఇప్పటివరకు వచ్చిన చిత్రాలతో పోలిస్తే మా సినిమా కచ్చితంగా డిఫరెంట్‌గా ఉంటుంది. కథాకథనాలు, నటీనటుల నటన, సంగీతం.. ఇలా అంశాన్ని తీసుకున్నా చాలా వైవిధ్యంగా ఉంటూ ప్రేక్షకులకు ఓ ఫ్రెష్‌ ఫీలింగ్‌ని అందిస్తాయి’ అని మేకర్స్‌ తెలిపారు. ఈ చిత్రానికి సంబంధించిన మరిన్ని అప్డేట్స్‌ త్వరలోనే మేకర్స్‌ ప్రకటించనున్నారు. ఈ చిత్రానికి డీవోపీ – సుజాత సిద్ధార్థ్‌, మ్యూజిక్‌ – చేతన్‌ భరద్వాజ్‌, ప్రొడ్యూసర్‌ – కంకణాల ప్రవీణ, రచన, దర్శకత్వం – గోపీనాథ్‌ రెడ్డి.