‘సుందరకాండ’లో నా క్యారెక్టర్‌కి కొన్ని లిమిటేషన్స్‌ ఉంటాయి. వయసు 30 దాటినా కూడా తనకి కావలసిన క్వాలిటీస్‌ ఉన్న అమ్మాయి కోసం వెతకడం అనేది చాలా ఇంట్రెస్టింగ్‌. నాది కాంప్లికేటెడ్‌ క్యారెక్టర్‌. ఆ కాంప్లికేషన్‌ నుంచే ఫన్‌ క్రియేట్‌ అవుతుంది’ అని హీరో నారా రోహిత్‌ చెప్పారు. నూతన దర్శకుడు వెంకటేష్‌ నిమ్మలపూడి దర్శకత్వం వహించిన చిత్రం ‘సుందరకాండ’.
సందీప్‌ పిక్చర్‌ ప్యాలెస్‌ బ్యానర్‌పై సంతోష్‌ చిన్నపొల్ల, గౌతమ్‌ రెడ్డి, రాకేష్‌ మహంకాళి నిర్మించారు. వతి వాఘాని, శ్రీ దేవి విజరు కుమార్‌ హీరోయిన్లు. ఈ సినిమా ఈనెల 27న విడుదల కానుంది.
ఈ సందర్భంగా హీరో నారా రోహిత్‌ మీడియాతో ముచ్చటించారు.
డైరెక్టర్‌ వెంకటేష్‌ ఈ ఐడియా చెప్పినప్పుడు కంగారు పడ్డాను. ప్రేక్షకులు ఎలా రిసీవ్‌ చేసుకుంటారో అనిపించింది. అయితే ‘బ్రో డాడీ’ సినిమా ఒక విండో ఓపెన్‌ చేసింది. ఆక్వాడ్‌గా ఉండే పాయింట్‌ను అందంగా డీల్‌ చేసిన సినిమా అది. ఆ స్టైల్‌లో చేస్తే వర్కవుట్‌ అవుతుందనిపించింది. వెంకటేష్‌ 30 సీన్స్‌ రాసుకుని వచ్చాడు. అవి నాకు చాలా నచ్చాయి. ఈ సినిమా చూస్తున్నంత సేపు ఆడియన్స్‌ ఫేస్‌లో ఒక స్మైల్‌ ఉంటుంది. లైటర్‌ వీన్‌లో చాలా లైవ్లీగా, మంచి ఫన్‌తో ఈ సినిమా ఉంటుంది.
ఇటీవల కొన్ని సీరియస్‌ పాత్రలు చేశాను. ఇప్పుడు మళ్లీ నవ్వించే క్యారెక్టర్‌ చేసినందుకు చాలా సంతోషంగా ఉంది. ఈ జనరేషన్‌కి ఇది చాలా కొత్త కథ. క్యారెక్టర్‌లో కొత్త ఎగ్జిట్‌ ఉంది. ఈ క్యారెక్టర్‌ని చాలా ఎంజారు చేశాను. ఇదొక క్లీన్‌ ఫిలిం. సీన్స్‌ ట్రీట్‌మెంట్‌ చాలా ఫ్రెష్‌గా ఉంటుంది. అందరికీ కనెక్ట్‌ అయ్యే సినిమా. ఈ ప్రేమ కథలో ఉన్న కాన్ఫ్లిక్ట్‌ ఇప్పుడే చెప్పలేను. ఇందులో హీరోకి కావలసిన ఫైవ్‌ క్వాలిటీస్‌ అనేవి చాలా పెక్యులర్‌. అవి మీరు స్క్రీన్‌ మీద చూడాలి. డైరెక్టర్‌ వెంకటేష్‌ ఏ కథ అయితే అనుకున్నాడో, ఆ కథని అద్భుతంగా స్క్రీన్‌ మీద చూపించాడు. చాలా యూనిక్‌ కథని రాసుకున్నాడు. తనతో నేను మరో సినిమా చేయబోతున్నాను.
లియాన్‌ టెరిఫిక్‌ సాంగ్స్‌, బ్యాక్‌ గ్రౌండ్‌ స్కోర్‌ ఇచ్చాడు. సినిమా చూసిన తర్వాత పాటలు మరింత కనెక్ట్‌ అవుతాయి. ఇందులో సిరి క్యామియో చాలా ఇంట్రెస్టింగ్‌గా ఉంటుంది. తను నా లక్కీ చార్మ్‌ అనుకుంటున్నాను. ‘భైరవం’ డీసెంట్‌ హిట్‌. ఈ సినిమా కూడా ఖచ్చితంగా మంచి విజయాన్ని అందుకుంటుందనే నమ్మకం ఉంది. ఈ సినిమాని నా ప్రొడక్షన్‌లోనే స్టార్ట్‌ చేశాను. సంతోష్‌ నా కజిన్‌. ఈ ప్రాజెక్ట్‌లో జాయిన్‌ అయ్యారు. గౌతమ్‌ రాకేష్‌.. వెంకీ చెప్పిన కథ నచ్చి జాయిన్‌ అయ్యారు. కథే మమ్మల్ని కలిపింది.
