మదురో కిడ్నాప్‌.. వెనిజులాపై అమెరికా సైనిక దాడే: రష్యా

న‌వ‌తెలంగాణ‌-హైద‌రాబాద్‌: జనవరి 3వ తేదీ అమెరికా సైనిక దాడి చేసి వెనిజులా అధ్యక్షుడు మదురోని, ఆయన భార్యని అక్రమంగా కిడ్నాప్‌ చేసింది. అమెరికా చేసిన ఈ చర్యను రష్యా విదేశాంగ శాఖ ఖండించింది. వెనిజులాపై అమెరికా చేసిన సైనిక దాడి ‘క్రూరమైన సాయుధ దండయాత్ర’గా మంగళవారం రష్యా విదేశాంగ మంత్రి సెర్గీ లావ్‌రోవ్‌ అభివర్ణించారు. అమెరికా వెనిజులాపై చేసిన సాయుధ దండయాత్రలో డజన్లమంది చనిపోవడం, గాయాలపాలవ్వడం, చట్టబద్దమైన అధ్యక్షుడు నికోలస్‌ మదురో, ఆయన భార్య సిలియా ఫ్లోర్స్‌ కిడ్నాప్‌ చేయడం వంటివి కనీవినీ ఎరగని చారిత్రాత్మక సంఘటనల్ని మనం చూశాం అని మాస్కోలో జరిగిన వార్షిక సమావేశంలో లావ్రోవ్‌ వ్యాఖ్యానించారు. ఈ సమావేశంలో ఆయన 2025లో రష్యా ఇతర దేశాలతో వ్యవహరించిన ద్వైపాక్షిక సంబంధాలు, వాటి ఫలితాలపై ఆయన మాట్లాడారు.