ఢిల్లీలో 12 ఎంసీడీ వార్డుల ఉప ఎన్నికలకు పోలింగ్..

న‌వ‌తెలంగాణ‌-హైద‌రాబాద్ : ఢిల్లీ అసెంబ్లీ ఎన్నికల తర్వాత రాజధాని నగరంలోని మున్సిపల్ కార్పొరేషన్ లో 12 వార్డులు వివిధ కారణాలతో ఖాళీ అయ్యాయి. దీంతో ఈ 12 వార్డులకు ఎన్నికల సంఘం ఎన్నికలు జరుపుతోంది. ఈ నేపథ్యంలో ఈ రోజు ఉదయం 7 గంటలకు MCD పరిధిలోని ఖాళీగా ఉన్న 12 వార్డులకు ఉప ఎన్నికల పోలింగ్ ప్రక్రియ ప్రారంభం అయింది. ఈ ఎన్నికలు ఢిల్లీలోని ప్రధాన రాజకీయ పక్షాలైన బీజేపీ, ఆమ్ ఆద్మీ పార్టీ (ఆప్), కాంగ్రెస్‌లకు అత్యంత కీలకంగా మారాయి. పోలింగ్ కేంద్రాల వద్ద ఓటర్లు ఉత్సాహంగా తమ ఓటు హక్కును వినియోగించుకుంటున్నారు. తెల్లవారుజామున ఓటు వేసేందుకు యువకులు, మహిళలు పెద్ద ఎత్తున క్యూలైన్లలో నిలబడ్డారు. దీంతో పోలింగ్ కేంద్రాలు కోలాహలంగా మారాయి.