Zurich Diamond League: నీర‌జ్ చోప్రాకు రెండో స్థానం…

నతెలంగాణ – హైదరాబాద్ : ప్ర‌పంచ చాంపియ‌న్, ఒలింపిక్ గోల్డ్ మెడ‌లిస్ట్ జావెలిన్ త్రోయ‌ర్ నీర‌జ్ చోప్రా.. జూరిచ్‌లో జ‌రిగిన డైమండ్ లీగ్ ఫైన‌ల్లో రెండో స్థానంలో నిలిచాడు. 85.01 మీట‌ర్లు జావెలిన్‌ను విసిరాడు. అయితే జ‌ర్మ‌నీ త్రోయ‌ర్ జులియ‌న్ వెబ‌ర్ ఆ టోర్నీలో టాప్ ప్లేస్ కొట్టేశాడు. అత‌ను త‌న జావెలిన్‌ను 91.51 మీట‌ర్ల దూరం విసిరాడు. రెండో ప్ర‌య‌త్నంలోనే అత‌ను ఆ మార్క్ దాటేశాడు. తొలి రెండు ప్ర‌యత్నాల్లోనూ వెబ‌ర్ 91 ప్ల‌స్ మీట‌ర్ల దూరానికి జావెలిన్‌ను విసిరాడు. జూరిచ్‌లో నీర‌జ్ ప‌ర్ఫార్మెన్స్ స‌రిగా సాగ‌లేదు. ఆరంభంలో రెండు సార్లు 80 మీట‌ర్ల దూరం వ‌ర‌కే త‌న త్రో వేశాడు. ఆ త‌ర్వాత మూడు సార్లు ఫౌల్స్ తో నిరాశ‌కు గురి చేశాడు. అయితే చివ‌రి ప్ర‌య‌త్నంలో అత‌ను 85 మీటర్ల దూరం విసిరి ఊపిరి పీల్చుకున్నాడు. వ‌రుస‌గా 26 టోర్నీల్లో నీర‌జ్ చోప్రా తొలి రెండు స్థానాల్లో నిల‌వ‌డం గ‌మ‌నార్హం.