వినోద ప్రధానంగా’పురుష’

కామెడీ ప్రధానంగా వచ్చే చిత్రాలకు ప్రస్తుతం ఆదరణ ఎక్కువగా ఉంటోంది. లాజిక్స్‌ లేకపోయినా కామెడీ వర్కౌట్‌ అయితే చాలు బాక్సాఫీస్‌ వద్ద సంచలన విజయాలు నమోదు చేస్తున్నాయి. ఇక ఇలాంటి పూర్తి అవుట్‌ అండ్‌ అవుట్‌ కామెడీ ఎంటర్‌టైనర్‌గా ‘పురుష:’ అనే చిత్రం రాబోతోంది. బ్రహ్మచారి భర్త కావాలని నిర్ణయించు కున్న తరువాత జీవితం యుద్ధభూమిగా మారుతుంది అనే లైన్స్‌తో సినిమాపై ఆసక్తి పెంచేశారు. తాజాగా ఈ చిత్రానికి సంబంధించిన పూజా కార్యక్రమాలు జరిగాయి.బత్తుల సరస్వతి సమర్పణలో కళ్యాణ్‌ ప్రొడక్షన్స్‌ బ్యానర్‌పై ప్రొడక్షన్‌ నెం.1గా బత్తుల కోటేశ్వరరావు నిర్మాతగా పవన్‌ కళ్యాణ్‌ హీరోగా తెరంగేట్రం చేస్తున్నారు. విజయవాడ కనకదుర్గ అమ్మవారి ఆలయంలో ఈ మూవీని శనివారం ఘనంగా ప్రారంభించారు. ఈ చిత్ర ప్రారంభ ముహుర్తానికి వడ్డవల్లి వెంకటేశ్వర రావు(బుల్లబ్బారు) క్లాప్‌ కొట్టగా, బేబీ ఏముల ధరణి కెమెరా స్విచ్‌ ఆన్‌ చేశారు.’మళ్లీ రావా, జెర్సీ, మసుధ’ చిత్రాలకు సహాయ దర్శకుడిగా పనిచేసిన వీరు ఉలవలను ఈ చిత్రంతో దర్శకుడిగా పరిచయం చేస్తున్నారు. తన శిష్యుడి కోసం డైరెక్టర్‌ గౌతమ్‌ తిన్ననూరి ఈ చిర్ర టైటిల్‌ లోగో, పోస్టర్‌ను రిలీజ్‌ చేశారు. అనంతరం చిత్రయూనిట్‌కు ఆయన ఆల్‌ ది బెస్ట్‌ తెలిపారు. ఈ సినిమాలో వైష్ణవి కొక్కుర, విషిక, హాసిని సుధీర్‌లు కథానాయికలుగా నటిస్తుండగా.. వెన్నెల కోషోర్‌, సప్తగిరి, కసిరెడ్డి రాజకుమార్‌, వి.టి.వి.గణేష్‌ ముఖ్య పాత్రలను పోషిస్తున్నారు. ఈ చిత్రానికి సమర్పణ : బత్తుల సరస్వతి, నిర్మాత : బత్తుల కోటేశ్వరరావు, దర్శకుడు : వీరు ఉలవల,. మ్యూజిక్‌ డైరెక్టర్‌ : శ్రవణ్‌ భరద్వాజ్‌, కెమెరామెన్‌ : సతీష్‌ ముత్యాల, ఎడిటర్‌ : కోటి.