‘హ్రీం’.. షూటింగ్‌ షురూ

పవన్‌ తాత, చమిందా వర్మ జంటగా నటిస్తున్న నూతన చిత్రం ‘హ్రీం’. రాజేశ్‌ రావూరి ఈ చిత్రంతో దర్శకునిగా మారనున్నారు. శివమ్‌ మీడియా పతాకంపై సుజాత సమర్పిస్తున్న ఈ చిత్రానికి శివమల్లాల నిర్మాత.
ఈ చిత్ర ప్రారంభోత్సవానికి హీరో సందీప్‌కిషన్‌ క్లాప్‌నివ్వగా, నటులు అలీ, బెనర్జీ, ఆడిటర్‌ విజయేంద్రరెడ్డి, సినిజోష్‌ అధినేత రాంబాబు పర్వతనేని దర్శకుడు రాజేశ్‌కి స్క్రిప్ట్‌ని అందించారు.
రాజీవ్‌ కనకాల కెమెరా స్విచ్చాన్‌ చేశారు. ఈ సందర్భంగా సందీప్‌ కిషన్‌ మాట్లాడుతూ, ‘నాకున్న అతికొద్ది మంది మీడియా ఫ్రెండ్స్‌లో శివ మల్లాల ఎంతో ముఖ్యుడు. ఆయన తీస్తున్న ఈ చిత్రం మంచి విజయం సాధించాలని మనస్ఫూర్తిగా కోరుకుంటున్నా’ అని అన్నారు. ‘ఈ చిత్ర నిర్మాతలు శివమల్లాల, సుజాత నాకు కుటుంబ సభ్యులు. వారు నిర్మించ తలపెట్టిన ఈ చిత్రం మంచి విజయం సాధించాలని ప్రార్థిస్తున్నా’ అని నటుడు అలీ చెప్పారు. నటుడు బెనర్జీ మాట్లాడుతూ, ‘ఈ సినిమాలో నేను చాలా మంచి పాత్రలో నటిస్తున్నా. శివ నాకు ఎంతో ఆప్తుడు’ అని తెలిపారు. ‘ఈ చిత్రంలో చాలా కీలకమైన పాత్ర పోసిస్తున్నాను’ అని రాజీవ్‌ కనకాల చెప్పారు. ఈ చిత్ర ప్రారంభోత్సవంలో దర్శక, రచయిత జనార్థనమహర్షి, నిర్మాతలు కె.బాబురెడ్డి, జి.సతీష్‌ కుమార్‌, ‘ట్రెండింగ్‌లవ్‌’ దర్శకుడు హరీష్‌ నాగరాజ్‌, ‘బహిష్కరణ’ దర్శకుడు ముకేష్‌ ప్రజాపతి, ఇన్‌ఫ్లూయెన్సర్స్‌ బెజవాడ బేబక్క, వనిత, శ్రీవాణి త్రిపురనేని తదితరులు పాల్గొన్నారు.