జూన్‌ 12న ‘హరి హర వీరమల్లు’ రిలీజ్‌

ఈ సంవత్సరం విడుదల కానున్న భారీ భారతీయ చిత్రాలలో ‘హరి హర వీరమల్లు’ ఒకటి. పవన్‌ కళ్యాణ్‌ కథానాయకుడిగా నటిస్తున్న ఈ చిత్రంపై అంచనాలు తారాస్థాయిలో ఉన్నాయి.
ఇప్పటికే విడుదలైన ప్రచార చిత్రాలు, రెండు పాటలు ప్రేక్షకులను విశేషంగా ఆకట్టుకున్నాయి. ఈ సినిమాలోని మూడవ పాటని, ట్రైలర్‌తో పాటు ఆవిష్కరించడానికి చిత్ర బృందం సిద్ధమవుతోంది.
షూటింగ్‌ కార్యక్రమాలు తుదిదశకు చేరుకున్న ఈ సినిమాకి సంబంధించి ప్రస్తుతం నిర్మాణాంతర కార్యక్రమాలు జోరుగా జరుగు తున్నాయి. వీఎఫ్‌ఎక్స్‌, సౌండ్‌ డిజైన్‌, డబ్బింగ్‌ పనులతో శరవేగంగా తుది మెరుగులు దిద్దుకుంటోంది. దర్శకుడు ఎ.ఎం.జ్యోతి కష్ణ ప్రతి విభాగాన్ని పర్యవేక్షిస్తూ, వెండితెరపై మునుపెన్నడూ చూడని అద్భుతమైన అనుభూతిని ఈ సినిమాతో ప్రేక్షకులకు అందించడానికి కషి చేస్తున్నారు. ఎం.ఎం. కీరవాణి సంగీతం అందిస్తున్నారు. ఇప్పటికే విడుదలైన ‘మాట వినాలి’, ‘కొల్లగొట్టినాదిరో’ గీతాలు విశేషంగా ఆకట్టుకున్నాయి. చారిత్రాత్మక యోధుడు వీరమల్లు పాత్రలో పవన్‌ కళ్యాణ్‌ కనువిందు చేయనున్న ఈ చిత్రంలో పలువురు ప్రముఖ నటీనటులు భాగమయ్యారు. మొఘల్‌ చక్రవర్తిగా బాబీ డియోల్‌ నటిస్తున్నారు. నిధి అగర్వాల్‌ కథానాయికగా నటిస్తున్న ఈ చిత్రంలో సత్యరాజ్‌, జిషు సేన్‌గుప్తా కీలక పాత్రలు పోషిస్తున్నారు. నిర్మాత ఎ.ఎం.రత్నం సమర్పణలో మెగా సూర్య ప్రొడక్షన్స్‌ పతాకంపై ఎ. దయాకర్‌ రావు నిర్మిస్తున్న ఈ చిత్రం జూన్‌ 12న ప్రేక్షకుల ముందుకు రానుంది. ప్రపంచవ్యాప్తంగా తెలుగు, హిందీ, తమిళం, కన్నడ, మలయాళం భాషల్లో భారీ ఎత్తున విడుదల కానున్న ‘హరి హర వీరమల్లు’ సినిమా.. ప్రేక్షకుల హదయాలను, బాక్సాఫీస్‌ను గెలుచుకోవడానికి సిద్ధంగా ఉంది.