కల్లూరి మల్లేశం, సీపీఐ(ఎం) జిల్లా కార్యదర్శి వర్గ సభ్యులు
నవతెలంగాణ-ఆలేర్ రూరల్
మున్సిపల్ ఎన్నికల్లో పొత్తు ధర్మాన్ని పాటిస్తూ సీపీఐ(ఎం)కి కో-ఆప్షన్ మెంబర్ అవకాశం కల్పించిన ఎమ్మెల్యే బీర్ల ఐలయ్యకు సీపీఐ(ఎం)జిల్లా కార్యదర్శి వర్గ సభ్యులు కల్లూరి మల్లేశం ధన్యవాదాలు తెలిపారు. మంగళవారం ఆలేరు మున్సిపాలిటీకి చెందిన కో-ఆప్షన్ సభ్యుల ప్రమాణ స్వీకార కార్యక్రమం ఘనంగా జరిగింది. ఈ కార్యక్రమంలో సీపీఐ(ఎం) నుంచి కో-ఆప్షన్ సభ్యులుగా ఎంపికైన ఇంతియాజ్ ఇర్ఫానా, ఎమ్మెల్యే సమక్షంలో మున్సిపల్ కమిషనర్ చేత ప్రమాణ స్వీకారం చేశారు.
ఈ సందర్భంగా కల్లూరి మల్లేశం హాజరై మాట్లాడుతూ.. మున్సిపల్ ఎన్నికల్లో కుదిరిన పొత్తును గౌరవిస్తూ సీపీఐ(ఎం)కి ఈ అవకాశాన్ని కల్పించినందుకు ఎమ్మెల్యే బీర్ల ఐలయ్యకి, ఆలేరు మున్సిపల్ చైర్మన్ బీజని బాలమణి భాస్కర్ కి ప్రత్యేక కృతజ్ఞతలు తెలిపారు. సీపీఐ(ఎం)కి వచ్చిన ఈ అవకాశంతో ప్రజా సమస్యలపై పాలకవర్గంలో చర్చించి సమస్యల పరిష్కారం కోసం నిరంతరం సీపీఐ(ఎం) పార్టీ ముందుంటుందని ప్రజా సమస్యల పరిష్కారమే ధ్యేయంగా పనిచేస్తామని ఈ సందర్భంగా ఆయన తెలియజేశారు.
ఇందుకు సహకరించిన కాంగ్రెస్ పార్టీ శ్రేణులకు మున్సిపల్ కౌన్సిలర్లకు అందరికీ వారు ధన్యవాదాలు తెలియజేశారు. ఈ కార్యక్రమంలో సీపీఐ(ఎం) జిల్లా నాయకులు ఎంఏ ఇక్బాల్, మండల కార్యదర్శి దుపటి వెంకటేష్, నాయకులు మొరిగాడి రమేష్, జూకంటి పౌలు, వడ్డేమాన్ బాలరాజు, రైతు సంఘం నాయకులు సూదగాని సత్యరాజయ్య, మొరిగాడి అజయ్, గణగాని మల్లేష్, నల్లమాస తులసయ్య, మహిళా సంఘం నాయకురాలు మొరిగాడి భాగ్యలక్ష్మి, వడ్డేమాన్ విప్లవ్, కాసుల నరేష్, చెన్న రాజేష్, మాదాని నవీన్, బర్ల సిద్ధులు, ఎండి మథిన్, ఎండి ఖలీల్ తదితరులు పాల్గొన్నారు.
