ఆసక్తికరమైన కంటెంట్‌తో..

విఆర్‌జీఆర్‌ మూవీస్‌ బ్యానర్‌ పై వై.గంగాధర్‌ ఐపీఎస్‌ సమర్పణలో, రజని గొంగటి నిర్మాతగా నూతన దర్శకుడు జీ.వి.నాయుడు దర్శకత్వం వహించిన చిత్రం ‘సిఏటి’. ఫస్ట్‌ కాపీ రెడీ చేసుకుని, త్వరలో రిలీజ్‌ కాబోతున్న ఈ చిత్ర ఫస్ట్‌ లుక్‌ పోస్టర్‌ని దర్శకులు బుచ్చిబాబు విడుదల చేశారు. ఈ సందర్భంగా ఆయన మాట్లాడుతూ, ‘మూవీ పోస్టర్‌ చాలా బాగుంది. దర్శకుడు కమ్‌ యాక్టర్‌ జి.వీ నాయుడు నాకు ఎప్పటినుంచో తెలుసు. ఈ స్టోరీ కూడా నాకు చెప్పారు. వినూత్నంగా, చాలా ఇంట్రెస్టింగ్‌గా అనిపించింది. ఈ సినిమా పెద్ద హిట్‌ అవ్వాలని, అందరికి పేరు తీసుకురావాలని, ఈ సినిమాని అందరూ ఆదరించాలని కోరుకుంటున్నాను’ అని అన్నారు.

‘ఇప్పటివరకు ఈ తరహాలో ఎన్నో చిత్రాలొచ్చినప్పటికీ ఎంతో యూనిక్‌గా మా సినిమా ఉంటుందని కచ్చితంగా చెప్పగలం. ఆద్యంతం ఆసక్తికరమైన కంటెంట్‌తో ప్రేక్షకులను మా సినిమా అలరిస్తుంది. మా చిత్ర కథ, కాన్సెప్ట్‌, పోస్టర్‌ డిజైనింగ్‌.. అన్నీ చాలా చాలా బాగున్నాయని దర్శకుడు బుచ్చిబాబు ప్రశంసించడం మాకు సినిమాపై మరింత నమ్మకాన్ని పెంచింది. మాకు ఎంతో సహకారాన్ని అందించిన ఆయనకు కృతజ్ఞతలు’ అని మేకర్స్‌ తెలిపారు. డ్రామా, థ్రిల్లర్‌ జోనర్‌లో తెరకెక్కిన ఈ చిత్రంలో జీవీ నాయుడు, వీజే బాలు, లావణ్య, కళ్యాణి రాణి ప్రధాన పాత్రల్లో నటించారు. ఈ చిత్రానికి ఫోటోగ్రఫీ : పంకజ్‌ తొట్టాడ, ఎడిటింగ్‌ : డి.వెంకటప్రభు, మ్యూజిక్‌ : మారుతి రాజా, కథ, స్క్రీన్‌ ప్లే, మాటలు : వీ.సీహెచ్‌. శేఖర్‌ ముద్దు, దర్శకత్వం :జీవీ నాయుడు (గొంగటి వీరాంజనేయులు).