‘మహమ్మద్‌’ దీపక్‌

మతోన్మాదంపై పోరాటానికి దారిదీపం
జిమ్‌ ట్రైనర్‌ దీపక్‌ కుమార్‌కు జాన్‌ బ్రిట్టాస్‌ అభినందనలు
కొట్ద్వార్‌ : ఉత్తరాఖండ్‌ రాష్ట్రం కొట్ద్వార్‌ ప్రాంతంలో సంఫ్‌ుపరివార్‌ వేధింపుల నుండి వకీల్‌ అహ్మద్‌ను కాపాడిన జిమ్‌ యజమాని దీపక్‌ కుమార్‌ను సిపిఎం ఎంపి జాన్‌ బిట్రాస్‌ ఆదివారం కలిసి అభినందనలు తెలిపారు. వకీల్‌ అహ్మద్‌ అనే 70 ఏళ్ల ముస్లిం వృద్ధుడు ‘బాబా స్కూల్‌ గార్మెంట్స్‌’ అనే దుకాణం నడుపుతున్నారు. అయితే ఈ పేరుపై సంఫ్‌ు పరివార్‌ సంస్థలు అభ్యంతరం వ్యక్తం చేస్తూ దాడి చేశాయి. ‘బాబా’ అనే పదం మా మత సంప్రదాయానికి సంబంధించినదని, ముస్లిం దుకాణదారుడు దీనిని ఉపయోగించకూడదంటూ వివాదం రాజేశారు.. ఈ సమయంలో, దీపక్‌ కుమార్‌ జోక్యం చేసుకుని, వారిని వారించి తనను తాను మహ్మద్‌ దీపక్‌గా పరిచయం చేసుకుని అడ్డుకు న్నాడు. ఈ సంఘటన నెట్టింట వైరల్‌ అయింది. వీరిని కలిసిన సందర్బంగా జాన్‌ బ్రిట్టాస్‌ మాట్లాడుతూ, ”మనం జీవిస్తున్న ఈ విభజన కాలంలో, ఇలాంటి వ్యక్తులను రక్షించుకోవడం, పోషించడం చాలా ముఖ్యం. మన దేశ లౌకిక సంస్కృతికి ప్రతీకైన దీపక్‌ కుమార్‌ను ఒంటరిగా వదలము” అని అన్నారు. అలాగే బ్రిట్టాస్‌ దీపక్‌ కుమార్‌ జిమ్‌లో వార్షిక సభ్యత్వాన్ని తీసుకున్నారు, అహ్మద్‌ దుకాణం నుండి బట్టలు కొనుగోలు చేశారు. అయితే ఈ సంఘటన జరిగినప్పటి నుండి ఇద్దరూ అనధికారిక ఆర్థిక బహిష్కరణను ఎదుర్కొంటున్నా రని బ్రిట్టాస్‌ తెలిపారు. దీపక్‌ కుమార్‌ జిమ్‌ చాలా వరకు ఖాళీగా ఉండగా, అహ్మద్‌ దుకాణం కూడా నిర్మాను ష్యంగా మారిందని ఆయన ఆవేదన వ్యక్తం చేశారు.