బేబీ మౌనిక కుటుంబానికి న్యాయం చేయాలని నిరసన

నవతెలంగాణ – జక్రాన్ పల్లి 
అగ్రకుల రెడ్ల దాడిలో మరణించిన బేబీ మౌనిక కుటుంబానికి న్యాయం చేయాలని మండలంలోని కలిగోట్ గ్రామంలో కొవ్వొత్తుల ర్యాలీతో నిరసన ర్యాలీ నిర్వహించామని బీఎస్పీ మండల అధ్యక్షుడు ఆరేళ్ల మహేష్ తెలిపారు. ఈ సందర్భంగా మహెష్ మాట్లాడుతూ .. ఈ నెల 19న నాగర్ కర్నూల్ జిల్లా కుమ్మెర గ్రామంలో మల్లిఖార్జున స్వామి జాతరలో అగ్ర కుల రెడ్ల దాడిలో మరణించిన బేబీ మౌనిక కుటుంబానికి న్యాయం చేయాలని, ఈ దుర్ఘటనకు కారకులైన వారిని వెంటనే శిక్షించాలని, కుటుబానికి రూ. 1 కోటి ఎక్స్ గ్రేషియా ఇవ్వాలని డిమాండ్ చేశారు. అదేవిధంగా వారి కుటుంబంలో ఒకరికి ప్రభుత్వ ఉద్యోగం ఇవ్వాలని అన్నారు. నిజామాబాద్ జిల్లా జక్రాన్ పల్లి మండలం కలిగోట్ గ్రామంలో డా.విశారదన్ మహారాజ్ ఆదేశానుసారం కొవ్వొత్తులతో నిరసన ర్యాలీ నిర్వహించామని వెల్లడించారు. ఈ నిరసన ర్యాలీ కార్యక్రమంలో పాల్గొన్న బీఎస్పి మండల అధ్యక్షులు మహేష్, ధర్పల్లి మండల అధ్యక్షులు మహిపాల్, మండల నాయకులు దిలీప్, కిరణ్, గంగసాయిలు, నర్సయ్య, గంగాధర్, శ్రీనివాస్, సంతోష్, యశ్వంత్, గోపి, రజక కుల సంఘ సభ్యులు మహిళలు పాల్గొన్నారు.