రంగు పుష్పాల వాగు – కథల పుప్పాల సాగు!

తెలంగాణకు చెందిన ప్రముఖ బాలసాహితీవేత్త పుప్పాల కష్ణమూర్తి బాలల కోసం 2025లో రంగురంగుల పేజీలతో రంగురంగుల బొమ్మలతో విలువరించిన పిల్లల కథల సంపుటి,’రంగు పూల వాగు’.
తెలుగు బాల సాహిత్య వనంలో పుప్పాల కష్ణమూర్తి అందించిన ‘రంగు పూల వాగు’ ఒక పరిమళభరితమైన పుష్పం వంటిది. ఈ కథా సంపుటి కేవలం పిల్లల కోసం రాసిన కాలక్షేప కథల గుచ్ఛం మాత్రమే కాదు, నైతిక విలువలను మరియు సామాజిక స్పహను మేలుకొలిపే ఒక దిక్సూచిగా నిలుస్తుంది. జంతువుల పాత్రల ద్వారా మానవ స్వభావాలలోని లోటుపాట్లను ఎత్తిచూపుతూనే, ప్రకతిని ప్రేమించాల్సిన ఆవశ్యకతను రచయిత ఇందులో ఎంతో హద్యంగా వివరించారు. ప్రతి కథలోనూ ఒక అంతర్లీన సందేశం, జీవిత సత్యం దాగి ఉండటం ఈ పుస్తకం యొక్క ప్రత్యేకత. ఆధునిక కాలంలో అంతరించిపోతున్న మానవత్వపు విలువలను, పరోపకార బుద్ధిని పెంపొందించేలా ఈ కథలు సాగుతాయి. సరళమైన భాష, ఆసక్తికరమైన కథనంతో సాగే ఈ సంపుటి పాఠకులను ఆలోచింపజేస్తుంది. ముఖ్యంగా శీర్షిక కథ అయిన ‘రంగు పూల వాగు’లో పర్యావరణ విధ్వంసం పట్ల రచయిత వ్యక్తం చేసిన ఆవేదన ప్రతి ఒక్కరినీ కదిలిస్తుంది. నేటి తరానికి మన మూలాలను, సంస్కతిని మరియు ప్రాకతిక సంపదను పరిచయం చేసే ఉత్తమ ప్రయత్నం ఇది.
కోతికి వచ్చిన తంటా అనే కథలో అహంకారం వల్ల కలిగే నష్టాన్ని రచయిత చక్కగా వివరించారు. గోవిందపురం గ్రామ రైతు తన పెంపుడు కుక్కను కాపలా కోసం గొలుసుతో కట్టి ఉంచగా, ఒక తుంటరి కోతి దాని అసహాయతను చూసి నిత్యం వేధించేది. గొలుసుతో బంధీ అయి ఉన్న కుక్క తనను ఏమీ చేయలేదనే గర్వంతో ఆ కోతి హద్దులు మీరి ప్రవర్తించేది. అయితే ఒకరోజు ఆ కుక్క స్వేచ్ఛగా ఉన్న సమయంలో దానిని ఏడిపించడానికి వెళ్ళిన కోతికి తగిన శాస్తి జరిగింది. కుక్క తన కాలును పట్టుకోగా ప్రాణభయంతో వణికిపోయిన కోతి తన తప్పును తెలుసుకుంది. కుక్క చూపిన జాలి వల్ల ప్రాణాలతో బయటపడిన ఆ కోతి, ఇకపై ఎవరినీ కించపరచకూడదని పశ్చాత్తాపపడటం పిల్లలకు మంచి గుణపాఠం నేర్పుతుంది.
శత్రువు చేసిన మేలు కథలో పరోపకార బుద్ధి యొక్క గొప్పతనం కనిపిస్తుంది. ఒక భయంకరమైన కల వల్ల ఏనుగును శత్రువుగా భావించిన సింహం, దానిని చంపాలని పథకం వేస్తుంది. కానీ దారిలో వేటగాళ్లు తవ్విన గోతిలో పడి సింహం చిక్కుకుపోతుంది. తాను ఎవరినైతే చంపాలనుకుందో అదే ఏనుగు తనను రక్షించడం చూసి సింహం విస్తుపోతుంది. శత్రువు పట్ల కూడా దయ చూపడం అనే గొప్ప సంస్కారాన్ని ఈ కథ మనకు బోధిస్తుంది. దీనివల్ల అడవిలో శత్రుత్వం అంతమై శాంతి నెలకొనడం సమాజానికి అవసరమైన సందేశం. కళ్లముందు ఉన్న మంచితనం కంటే కల్పిత భయాలు గొప్పవి కావని సింహం గ్రహించడం ఈ కథలోని ముఖ్యాంశం.
నక్క ఎత్తు – కోతి చిత్తు కథలో బుద్ధి బలం యొక్క ప్రాధాన్యత కనిపిస్తుంది. ఆహారం కోసం అలమటించే నక్క, కోతి యొక్క కోపాన్ని ఆయుధంగా మలుచుకుని తన ఆకలిని తీర్చుకుంటుంది. ప్రత్యర్థి బలహీనతలను ఆసరాగా చేసుకుని పనులు ఎలా సాధించుకోవాలో ఈ కథ వివరిస్తుంది. అలాగే గాడిద తెలివి కథ ద్వారా మన పరిమితులను తెలుసుకోకుండా ఇతరుల మెప్పు కోసం సాహసాలు చేస్తే అవమానాలు తప్పవని రచయిత హెచ్చరించారు. గాడిద తన శక్తిని మర్చిపోయి చేసిన పని వల్ల యజమానికి నష్టం కలగడమే కాకుండా దానికి దెబ్బలు కూడా తగిలాయి. దీనివల్ల పిల్లలు తమ బాధ్యతలను, శక్తి సామర్థ్యాలను గుర్తించి ప్రవర్తించాలని నేర్చుకుంటారు.
ఆకలి అనే కథలో ఆడంబరాల కంటే అవసరానికి చేసే సహాయమే మిన్న అని నిరూపితమైంది. గుర్రాన్ని ప్రేమతో పిలిచిన రాజు వద్దకు కాకుండా, గడ్డి చూపించిన మంత్రి వద్దకు అది వెళ్లడం ఒక గొప్ప పాఠం. మాటల కంటే చేతలే ముఖ్యమని, ఆకలితో ఉన్న ప్రాణికి ఆహారం అందించడమే నిజమైన భూతదయ అని ఈ కథ చాటిచెబుతుంది. రాజు తన అహంకారాన్ని వీడి మంత్రి విజ్ఞతను అంగీకరించడం ద్వారా గొప్ప మార్పును రచయిత చూపించారు. ఈ కథలు పిల్లల్లో విజ్ఞతతో పాటు విచక్షణా జ్ఞానాన్ని కూడా పెంపొందిస్తాయి.
రంగు పూల వాగు అనే శీర్షిక కథలో పర్యావరణ పరిరక్షణ పట్ల రచయిత ఆవేదన ప్రతిబింబిస్తుంది. బేతవోలు ప్రాంతంలోని వీర్లదేవి చెరువు, ఆ వాగు ఒకప్పుడు ఎలా కళకళలాడేవో వివరిస్తూ, నేడు అవి కలుషితం కావడాన్ని రచయిత హద్యంగా వర్ణించారు. వేలాది ఎకరాలకు సాగునీరు అందిస్తూ, ఎందరో ప్రాణులకు జీవనాధారమైన ఆ వాగు నేడు ఇసుక తవ్వకాలు, రసాయన వ్యర్థాల వల్ల విషతుల్యం కావడం విచారకరం. మన పూర్వీకులు అందించిన ప్రకతి సంపదను కాపాడుకోవాల్సిన బాధ్యత నేటి తరంపై ఉందని ఈ కథ నొక్కి చెబుతుంది. సాంస్కతిక మరియు చారిత్రక ప్రాధాన్యత కలిగిన ఈ వాగుల విశిష్టతను బాలలకు పరిచయం చేయడం ఎంతో అవసరం.
ఈ సంపుటిలో ఇంకా నాలుగు చేపలు, పరుల కోసం, నగరంలో పింక్‌, గుర్రం సవారి వంటి అనేక ఆసక్తికరమైన కథలు ఉన్నాయి. ప్రతి కథలోనూ మానవ స్వభావం, సమాజ పోకడలు అద్దం పట్టినట్లు కనిపిస్తాయి. సరళమైన పదజాలంతో సాగే ఈ రచనలు తెలుగు భాషాభిమానాన్ని పెంచుతాయి. బాలల మానసిక వికాసానికి, వారిలో సత్ప్రవర్తనను పెంపొందించడానికి ఇటువంటి పుస్తకాలు ఎంతో దోహదపడతాయి. పుప్పాల కష్ణమూర్తి ఈ కషి బాల సాహిత్యంలో ఒక మరుపురాని ఘట్టం అని చెప్పవచ్చు. ఈ కథలు చదవడం వల్ల పిల్లల్లో సామాజిక స్పహ పెరగడమే కాకుండా మన మూలాలను గౌరవించే గుణం అలవడుతుంది.
పైడిమర్రి రామకృష్ణ,
92475 64699