ముఖంపై మచ్చలు పెరిగి ముడతలొస్తున్నాయా…

మెంతులు ఆరోగ్యానికే కాదు.. అందమైన, ఆరోగ్యకరమైన స్కిన్‌కి కూడా ఉపయోగిస్తారు. వీటితో వేసుకునే ఫేస్‌ప్యాక్‌ అన్నీ స్కిన్‌ టైప్స్‌కి సెట్‌ అవుతుంది. ఇందులో డయోస్టెనిన్‌ ఉంటుంది. ఇది మొటిమలకి కారణమయ్యే బ్యాక్టీరియాని చంపే యాంటీ ఇన్‌ఫ్లమేటరీ, యాంటీ బ్యాక్టీరియల్‌ లక్షణాలని కలిగి ఉంటుంది. మొటిమల్ని తగ్గించడం కోసం ఈ ఫేస్‌ప్యాక్‌ని రెగ్యులర్‌గా వాడితే మంచి ఫలితం ఉంటుంది.

ఓ టీస్పూన్‌ మెంతుల్ని రాత్రంతా నానబెట్టి వాటిని మెత్తగా పేస్టులా చేయాలి. దీనిని ముఖానికి పల్చగా అప్లై చేసి 15 నుంచి 20 నిమిషాల పాటు అలానే ఉండండి. తర్వాత ముఖాన్ని గోరువెచ్చని నీటితో క్లీన్‌ చేసి లైట్‌ మాయిశ్చరైజర్‌ అప్లై చేయండి. సెన్సెటీవ్‌ స్కిన్‌ అయితే కొద్దిగా పెరుగు లేదా అలోవెరా జెల్‌ కలిపి రాస్తే రిలాక్స్‌ అవుతుంది. వీటిని వాడటం వల్ల కలిగే లాభాలను చూద్దాం…

సన్‌ ట్యాన్‌ తగ్గడం
రోజూ ఎండలో తిరగడం వల్ల స్కిన్‌పై టాన్‌ పెరిగిపోతుంది. అలాంటి సమస్యకి మెంతి ఫేస్‌ప్యాక్‌ నేచురల్‌ సొల్యూషన్‌. స్కిన్‌ సహజంగానే క్లీన్‌ అవుతుంది. ఆరోగ్యంగా మెరుస్తుంది.మెంతుల్లో విటమిన్‌ సి పుష్కలంగా ఉంటుంది. ఇది కొల్లాజెన్‌ ఉత్పత్తిని పెంచి చర్మంపై సహజమైన మెరుపుని అందిస్తుంది.

రంధ్రాలను ఎక్స్‌ఫోలియేట్‌
మెంతుల్లో ఎక్స్‌ఫోలియేటింగ్‌ గుణాలు ఉన్నాయి. ఈ ఫేస్‌ప్యాక్‌ వేయడం వల్ల చర్మ రంధ్రాల నుండి మురికి తొలగిపోతుంది. సహజ ఎక్స్‌ఫోలియేటర్‌లా ఖరీదైన స్క్రబ్స్‌ని కూడా రీప్లేస్‌ చేస్తుంది. దీనిని వాడడం వల్ల చర్మం తాజాగా ఉంటుంది.

ఫేషియల్‌ టోనర్‌
మెంతుల్ని నానబెట్టి ఆ నీటిని సహజ టోనర్‌గా వాడొచ్చు. ఈ నీటిని స్ప్రే బాటిల్‌లో స్టోర్‌ చేసి మాయిశ్చరైజర్‌ రాయడానికి ముందు అప్లై చేస్తే మీకు రీఫ్రెషింగ్‌ లుక్‌ అందుతుంది. ఈ నీటిని వాడితే స్కిన్‌ హైడ్రేట్‌ అవుతుంది.

డార్క్‌సర్కిల్స్‌, మచ్చలు తగ్గేందుకు
విటమిన్‌ సి, కెలతో నిండి ఉన్న మెంతులు ముఖంపై నల్లని వలయాలు, మచ్చల్ని తగ్గించడంలో హెల్ప్‌ చేస్తాయి. పొల్యూషన్‌, దుమ్ము, ధూళీ, బ్యాక్టీరియా కారణంగా చర్మ రంగు పాలిపోవడానికి కారణమైన గుణాన్ని తగ్గిస్తుంది. మెంతుల్ని పాలలో కలిపి నానబెట్టి దానిని ముఖానికి వాడడం వల్ల షైనీ లుక్‌ మీ సొంతమవుతుంది.

ఏజింగ్‌
మెంతుల్లో యాంటీ ఆక్సిడెంట్స్‌ పుష్కలంగా ఉంటాయి. ఇవి ఏజింగ్‌కు కారణమయ్యే ఫ్రీరాడికల్స్‌తో పోరాడి చర్మాన్ని దెబ్బతినకుండా కాపాడతాయి. దీని వల్ల స్కిన్‌కు సాఫ్ట్‌, యంగ్‌ లుక్‌ వస్తుంది. వీటిని వాడడం వల్ల చర్మంపై సన్నని గీతలు, ముడతలు, మచ్చల్ని తగ్గించుకోవచ్చు.