ఎల్‌ ఆర్‌ ఫిల్మ్‌ సర్కూట్స్‌ బ్యానర్‌పై లేలీధర్‌ రావు కోలా దర్శకత్వంలో రూపొందిన చిత్రం ‘ఏఎల్‌సిసి’ (ఓ యూనివర్సల్‌ బ్యాచ్‌లర్‌). తాజాగా ఈ సినిమా ప్రీ రిలీజ్‌ ఈవెంట్‌ను మేకర్స్‌ ఘనంగా నిర్వహించారు. ఈ సందర్భంగా హీరో జేపీ నవీన్‌ మాట్లాడుతూ, ‘ఒక యంగ్‌ స్టర్‌ ఎలాంటి బ్యాక్‌గ్రౌండ్‌ లేకుండా సినిమా హీరోగా ఎంట్రీ అవ్వడం అంటే చాలా కష్టం. నాలాంటి వ్యక్తికి ఇంత గొప్ప అవకాశం ఇచ్చిన దర్శకుడు లేలీధర్‌ రావుకి కృతజ్ఞతలు. ఈ సినిమా సినిమాటోగ్రఫీ, మ్యూజిక్‌ చాలా బాగా కుదిరాయి’ అని తెలిపారు. ‘లేలీధర్‌ రావు ఒక టీచర్‌. అలాంటిది ఆయన ఒక ప్యాషన్‌తో డైరెక్టర్‌గా మారి ఈ సినిమా చేశారు. ఈ సినిమా చాలా కొత్తగా ఉంటుంది. అందరికి తప్పకుండా నచ్చుతుంది’ అని హీరోయిన్‌ శ్రావణి శెట్టి చెప్పారు. డైరెక్టర్‌ నగేష్‌ మాట్లాడుతూ, ‘చిన్న సినిమా, పెద్ద సినిమా అనే విషయం పక్కనపెడితే, వైవిధ్యమైన సినిమాలను తప్పకుండా ప్రోత్సహించండి. డైరెక్టర్‌ లేలీధర్‌ రావు కోలా చాలా బాగా తీశారు’ అని అన్నారు. ‘లేలీధర్‌ రావు కోలా ఒక మంచి టీచర్‌. పిల్లల భవిష్యత్తు కోసం గొప్ప గొప్ప పాఠాలు చెప్పారు. అలాంటి గొప్ప టీచర్‌ నేడు డైరెక్టర్‌, ప్రొడ్యూసర్‌గా మారి ఈ సినిమా చేశారు. ఈ సినిమా కచ్చితంగా పెద్ద హిట్‌ అవ్వాలని కోరుకుంటున్నాను’ అని డైరెక్టర్‌ సముద్ర చెప్పారు. చిత్ర దర్శకుడు లేలీధర్‌ రావు కోలా మాట్లాడుతూ, ‘ఈ సినిమాని ఎంతో ఇష్టంగా తీశాను. కచ్చితంగా ప్రేక్షక దేవుళ్ళకు నచ్చుతుందని భావిస్తున్నాను. ఈ సినిమాని ఈనెల 25న రిలీజ్‌ చేస్తున్నాం’ అని చెప్పారు.
ఓ యూనివర్సల్‌ బ్యాచ్‌లర్‌ కథ
- Advertisement -
Previous article![]( "నవ్విస్తుంది..ఏడిపిస్తుంది")
Next article![]( "తెలుగులోనూ విజయం ఖాయం")
RELATED ARTICLES
