సజ్జలు… నమ్మలేని నిజాలు!

ప్రస్తుత కాలంలో ఎవరిని కదిపినా ఏదో ఒక అనారోగ్య సమస్య గురించి చెబుతూనే ఉంటున్నారు. షుగర్‌, బీపీ, అధిక బరువు, ఊబకాయం, థైరాయిడ్‌ వంటి అనారోగ్య సమస్యలతో ఇబ్బందులు పడుతున్నారు. లైఫ్‌ స్టైల్‌లో మంచి ఆహారపు అలవాట్లతో చాలా సమస్యలకు చెక్‌పెట్టొచ్చు. అలాంటివాటిలో సజ్జలు ఒకటి. వీటిని మన రోజువారీ ఆహారంలో చేర్చుకోవటంవల్ల ఆరోగ్యానికి ఎంతో మేలు చేస్తాయి. వీటితో కలిగే ఆరోగ్య ప్రయోజనాలేంటో చూద్దాం….
డయాబెటీస్‌ కంట్రోల్‌:
సజ్జలు తినడం వల్ల షుగర్‌ వ్యాధిని కంట్రోల్‌లో ఉంచుకోవచ్చు. ఎందుకంటే ఇవి ట్రై గ్లిజరైడ్స్‌ స్థాయిలను కంట్రోల్‌ చేసి.. ఇన్సులిన్‌ సెన్సిటివిటీని పెంచుతాయి. కాబట్టి వీటిని తినడం వల్ల రక్తంలో షుగర్‌ లెవల్స్‌ అనేవి కంట్రోల్‌ అవుతాయి. డయాబెటీస్‌తో బాధ పడేవారు ప్రతి రోజూ మధ్యాహ్నం లేదా ఉదయం సజ్జలతో తాయరు చేసిన ఆహారం తీసుకోవడం వల్ల మంచి ఫలితాలు ఉంటాయి.
చర్మం ఆరోగ్యం:
వీటిలోయాంటీ ఆక్సిడెంట్లు మెండుగా ఉంటాయి. ఇవి శరీర ఆరోగ్యమే కాకుండా చర్మాన్ని కూడా అందంగా మార్చడంలో సహాయం చేస్తాయి. ఇందులో ఉండే ఫినాలిక్‌లు.. యాంటీ ఏజింగ్‌ ఏజెంట్లుగా పనిచేస్తాయి. వీటిని తింటే యవ్వనంగా ఉంటారు.