కొనుగోలు కేంద్రాన్ని సందర్శించిన సివిల్ సప్లై కమిషనర్

నవతెలంగాణ – ధర్మసాగర్ : శనివారం మండల కేంద్రంలోని మహిళా సంఘాల ఆధ్వర్యంలో నిర్వహిస్తున్న ఐకెపి కొనుగోలు కేంద్రాన్ని సివిల్ సప్లై కమిషనర్ యోహాను సందర్శించి పర్యవేక్షించారు. ఈ సందర్భంగా వారు ఇప్పటివరకు కొనుగోలు కేంద్రాల్లో అమ్మకాల కొనుగోలు వివరాలను అడిగి తెలుసుకున్నారు. ఈ సందర్భంగా ఆయన మాట్లాడుతూ.. రైతులకు ఎలాంటి ఇబ్బందికరంగా ఉండకుండా అన్ని చర్యలను చేపట్టాలని సూచించారు. ముఖ్యంగా అకాల వర్షంలో ధాన్యం తడవకుండా తగు జాగ్రత్తలను తీసుకోవాలని అన్నారు. ఏ ఒక్క రైతు నష్టపోకుండా ధాన్యం తడవకుండా తాడ్పత్రిలను ఎప్పటికప్పుడు అందించే విధంగా నిర్వాహకులు చూసుకోవాలని ఈ సందర్భంగా చెప్పారు. రైతులు అందించిన ధాన్యానికి రెండు రోజుల్లో వారి కి డబ్బులు అందించే విధంగా ప్రభుత్వం చేపడుతుందని ఈ సందర్భంగా వివరించారు. కార్యక్రమంలో సివిల్ సప్లై  డీ యం  మహేందర్, డీ సి ఎస్ ఓ కొమురయ్య, డీ సీ ఓ సంజీవ్, డీ పీ యం జన్ను ప్రకాష్,ఎంపీడీవో అనిల్ కుమార్, ఎపీఎం అనిత, సీసీలు సముద్రాల కవిత, కుడికాల రమ, దానయ్య,సెంటర్ ఇంచార్జీ రాధిక,కమిటీ సభ్యులు ప్రసన్న, శిరీష, కల్పన,లక్ష్మి,వివో ఏలు, మహిళా సంఘాల నాయకులు, రైతులు ప్రజలు తదితరులు పాల్గొన్నారు.