ఆకాంక్ష…

జరిగింది మహా దారుణమే.
మనిషన్నవాడు
ఖండించాల్సిన దుశ్చర్యే.
అయితే సమస్యకు పరిష్కారం
యుద్ధమా?

అదేమీ చిన్న విషయం కాదు
దాని పర్యవసానాలు తెలుసుగా!
అశాంతి, విభేదాలు, విద్వేషాలు
అంతర్యుద్ధాలు
ఇరువైపులా ఎన్నో నష్టాలు,
సమస్య మరింత జటిలం.

ఓ మనిషీ ఆలోచించు!
మనలో మనం గొడవలుపడే పరిస్థితిని
విచక్షణతో తిప్పికొట్టు.
స్థైర్యం కోల్పోక మంచి నిర్ణయంతో
మనిషిని మనిషిగా బతికించు.
ద్వేషాన్ని ప్రేమతో జయించు.

నా దేశమంటే
నాకు ఎనలేని ప్రేమ
నా దేశమెన్నటికీ సుభిక్షంగా
ఉండాలన్నదే నా ఆకాంక్ష.

• శ్రీనివాస్‌ వేమూరి