- నామినేషన్ పరిశీలన నాటికి 21 సంవత్సరాలుండాలి
- మండల ఇంచార్జి ఎంపీడీఓ శ్రీరామూర్తితో నవతెలంగాణ ముఖాముఖి
నవతెలంగాణ-మల్హర్ రావు.
స్థానిక సంస్థల (ఎంపీటీసీ, జెడ్పీటీసీ, సర్పంచులు, వార్డు సభ్యులు) ఎన్నికల్లో పోటీ చేయదలచిన అభ్యర్థులకు ఎదురయ్యే సందేహా లపై బుధవారం మండల ఇంచార్జి ఎంపీడీఓ శ్రీరామూర్తి నవ తెలంగాణ ముఖాముఖిలో సమాధానాలతో నివృత్తి చేశారు.
నవతెలంగాణ: స్థానిక సంస్థల్లో పోటీ చేయడానికి కనీస వయస్సు ఎంత.?
ఎంపిడిఓ: నామినేషన్ పరిశీలన తేదీ నాటికి అభ్యర్థి వయస్సు 21 సంవత్సరాలు నిండి ఉండాలి.
నతె: సంబంధిత ఎంపీటీసీ, జెడ్పీటీసీ స్థానాల పరిధిలోని ఓటరు జాబితాలో ఓటరుగా నమోదు కాకపోయినా పోటీ చేయవచ్చా?
ఎంపిడిఓ: లేదు. తెలంగాణ పంచాయతీ రాజ్ నియమావళి ప్రకారం సంబంధిత ఓటరు లిస్టులో తప్ప నిసరిగా ఓటరుగా నమోదై ఉండాలి.
నతె: అభ్యర్థులకు ఇద్దరు పిల్లల నిబంధన తొలగించారా?
ఎంపిడిఓ: పంచాయతీ రాజ్ చట్టం ప్రకారం ఇద్దరి కంటే ఎక్కువ సంతానం ఉంటే అనర్హులే. 1995 మే 31 ముందు ఇద్దరి కంటే ఎక్కువ మంది సంతానం ఉంటే అర్హులు. 1995 జూన్ 1 తర్వాత పుట్టిన వారితో కలిపి ఇద్దరి కంటే ఎక్కువ ఉన్నప్పుడు అనర్హులవుతారు.
నతె: ముగ్గురు సంతానం ఉన్నప్పుడు ఒకరిని దత్తత ఇస్తే పోటీ చేయొచ్చా?
ఎంపిడిఓ: ఉమ్మడి రాష్ట్రంలోని హైకోర్టు తీర్పు ప్రకారం దత్తత ఇచ్చిన పిల్లలు స్వంత తల్లిదండ్రులకు చెందిన పిల్లలుగానే ముగ్గురు సంతా దత్తత ఇచ్చినా పోటీకి అనర్హులే.వారికి ముగ్గురు సంతానం పరిగణించబడతారు.
నతె: ఒక వ్యక్తికి ఇద్దరు భార్యలు ఉండి వారికి ఒక్కొక్కరికి ఇద్దరు చొప్పున ఉన్నప్పుడు ఏవిధంగా పరిగణిస్తారు?
ఎంపిడిఓ: అప్పుడు భార్యలు పోటీకి అర్హులు అవుతారు, భర్తకు అవకాశం ఉండదు.
నతె: పంచాయతీరాజ్ చట్టం ప్రకారం 1995 మే 31 కంటే ముందు ఇద్దరు పిల్లలు ఉండి, పోటీ చేసిన తర్వాత మరొకరు పుడితే ఎలా?
ఎంపిడిఓ: నామినేషన్ల పరిశీలన పూర్తయ్యే సమయానికి అప్పటికే ఇద్దరు పిల్లలు ఉండి, పోటీ చేసే వ్యక్తి భార్యగాని, పోటీ చేసే మహిళనే మళ్లీ గర్భవతిగా ఉన్నా పోటీకి అర్హులే అవుతారు.నామినేషన్ల ప్రక్రియ ముగిసిన తర్వాత బిడ్డకు జన్మనిచ్చినా పోటీకి అర్హులే అవుతారు.
