పవర్‌ఫుల్‌ కథతో ‘హైలెస్సో’

సుడిగాలి సుధీర్‌గా పేరొందిన సుధీర్‌ ఆనంద్‌ హీరోగా ప్రసన్న కుమార్‌ కోట దర్శకత్వం వహిస్తున్న చిత్రం ‘హైలెస్సో’. వజ్ర వారాహి సినిమాస్‌ బ్యానర్‌పై శివ చెర్రీ, రవికిరణ్‌ నిర్మిస్తున్నారు. ఇది వారి సంస్థలో తొలి ప్రొడక్షన్‌. గ్రామీణ నేపథ్యంతో రూపొందుతున్న ఈ చిత్రంలో ‘కోర్ట్‌’ సినిమాలో తన ఇంటెన్స్‌ నటనతో ఆకట్టుకున్న శివాజీ విలన్‌గా కనిపించబోతున్నారు. దసరా సందర్భంగా సుధీర్‌ ఫస్ట్‌ లుక్‌ రిలీజ్‌ చేశారు. ఇంటెన్స్‌ అండ్‌ డివైన్‌ వైబ్‌తో ఉన్న పోస్టర్‌ అదిరిపోయింది. ఫస్ట్‌లుక్‌కి సోషల్‌ మీడియాలో అద్భుతమైన రెస్పాన్స్‌ వస్తోంది అని చిత్ర యూనిట్‌ తెలిపింది. తెలుగు, తమిళం, కన్నడ, మలయాళం భాషల్లో ఈ సినిమా విడుదల కానుంది.

ఈ సినిమాలో నటాషా సింగ్‌, నక్ష శరణ్‌ హీరోయిన్లుగా నటిస్తుండగా, కన్నడ నటి అక్షర గౌడ కీలక పాత్రలో కనిపించనున్నారు. మొట్ట రాజేంద్రన్‌, గెటప్‌ శ్రీను, బెవర దుహిత శరణ్య ముఖ్యమైన పాత్రలు పోషిస్తున్నారు. ఈ చిత్రానికి సంగీతం: అనుదీప్‌ దేవ్‌, డీఓపీ: సుజాత సిద్దార్థ్‌, ఎడిటర్‌: ఛోటా కె ప్రసాద్‌, ప్రొడక్షన్‌ డిజైనర్‌: బ్రహ్మ కడలి, సాహిత్యం: రామజోగయ్య శాస్త్రి, రచయిత: చింతా శ్రీనివాస్‌, లైన్‌ ప్రొడ్యూసర్‌: ఉదయ్ నందిపాటి.