చిన్న జల ప్రవాహాలు ఇక్కడి ప్రత్యేక ఆకర్షణలు..
నవతెలంగాణ – మణుగూరు
మణుగూరు మండలంలోని రధం గుట్ట పరిసరాలు నిజంగా ఒక హిడెన్ జెమ్ ఎత్తైన కొండలు, అడవి జీవవైవిధ్యం, చిన్న జలప్రవాహాలు ఇక్కడి ప్రత్యేక ఆకర్షణలు. పర్యాటకులు చేరడానికి మార్గాలు, సౌకర్యాలు పరిమితంగా ఉన్నప్పటికీ, ప్రకృతి అందాలు, సాహసోపేత అనుభూతి కోసం ఇది ఫర్ఫెక్ట్ ప్లేస్ అని అధికారులు కొనియాడారు. శనివారం ఫారెస్ట్ అధికారులు, రెవెన్యూ అధికారులు, పంచాయతీ రాజ్ శాఖ అధికారులు, జిల్లా స్పోర్ట్స్ అథారిటీ సిబ్బంది జిప్‌లైన్ అడ్వెంచర్ ప్రతినిధులతో కలిసి రధం గుట్ట పరిసరాలను సందర్శించారు.
వారు భౌగోళిక పరిస్థితులు, భద్రతా ప్రమాణాలు, పర్యావరణ పరిస్థితులు పరిశీలించారు అడ్వెంచర్ టూరిజం కోసం ప్రత్యేక సూచనలు ఇచ్చారు.ప్రతిపాదిత ప్రాజెక్ట్‌లో జిప్‌లైన్, జిప్ బైక్, గ్లాస్ బ్రిడ్జ్, రాకెట్ ఈజెక్షన్ వంటి యాక్టివిటీస్ ఉన్నాయి. ఇవన్నీ ఆధునిక సాంకేతిక పరికరాలు, భద్రతా ప్రమాణాలు పాటిస్తూ అమలు చేయబడతాయి. ప్రతి యాక్టివిటీ పర్యావరణ నష్టాన్ని తగ్గిస్తూ సస్టైనబుల్ విధానంలో రూపకల్పన చేశారు ఈ ప్రాజెక్ట్ స్థానికులకు ఉపాధి అవకాశాలు ఇస్తుంది. గైడ్స్, మెయింటెనెన్స్ స్టాఫ్, అడ్వెంచర్ ట్రైనర్ వంటి ఉద్యోగాలు ఏర్పడతాయి. అలాగే స్థానిక హస్తకళా, చిన్న పరిశ్రమలకు మార్కెట్ ఆపర్చునిటీస్ కూడా పెరుగుతాయి. పర్యాటకుల కోసం ఇన్ఫర్మేషన్ సెంటర్స్ , లోకల్ ట్రైనింగ్ స్పెషల్టీఎస్ కూడా ఏర్పాటు చేయబడతాయి.
ప్రణాళికలో ముఖ్యమైన ఆలోచన ఏమిటంటే, రహదారులు, ట్రెయిల్‌లు, వ్యూ పాయింట్స్ పర్యాటకుల సౌకర్యానికి అనుగుణంగా ఏర్పాటు చేశారు. యాక్టివిటీస్ ప్రకృతికి హాని చేయకుండా, భద్రతతో అమలు చేయడం. ప్రాజెక్ట్ పబ్లిసిటీ అవేర్నెస్ ప్రోగ్రామ్స్ ద్వారా రధం గుట్టను ప్రాంతీయ, రాష్ట్రీయ, దేశీయ పర్యాటకులకు పరిచయం చేయడం జరుగుతుందన్నారు వృక్షాలను కాపాడడం, కాలుష్య నియంత్రణ ముఖ్యమైనవి.ఈ ప్రాజెక్ట్ ద్వారా రధం గుట్ట పరిసరాలు ప్రకృతి అందాలు, ఆధునిక అడ్వెంచర్ స్పోర్ట్స్ మేళవింపు వల్ల ప్రత్యేక ఆకర్షణగా మారుతుంది. ఇది స్థానిక ఆర్థిక వ్యవస్థకు మద్దతు, పర్యాటకులకు సాహసోపేతమైన అనుభూతి, మండలానికి కొత్త టూరిజం హబ్గా గుర్తింపు ఇస్తుంది.
