డిఫరెంట్‌ ఫ్యామిలీ ఎంటర్‌టైనర్‌

‘నువ్విలా, జీనియస్‌, రామ్‌ లీలా, సెవెన్‌’ వంటి చిత్రాలతో ప్రేక్షకుల్లో మంచి గుర్తింపు తెచ్చుకున్న హీరో హవీష్‌, ‘సినిమా చూపిస్త మావ, నేను లోకల్‌, ధమాకా, మజాక’ వంటి సూపర్‌ హిట్‌ చిత్రాలతో తన ప్రత్యేకతను చాటుకున్న దర్శకుడు నక్కిన త్రినాథరావు కాంబోలో ఓ క్రేజీ మూవీ రూపొందుతోంది. ఈ సినిమాకు సంబంధించిన టైటిల్‌ గ్లింప్స్‌ను రిలీజ్‌ చేశారు. ఈ మూవీకి నిఖిల కోనేరు నిర్మాతగా వ్యవహరిస్తున్నారు.
‘ఓ డిఫరెంట్‌ ఫ్యామిలీ ఎంటర్‌టైనర్‌గా ఈ మూవీ తెరకెక్కుతోంది. ఇటీవలే ఫస్ట్‌ షెడ్యూల్‌ కంప్లీట్‌ అయింది. భిన్న పాత్రలు, వైవిధ్యమైన సినిమాలతో ఎప్పటికప్పుడు ప్రేక్షకులను అలరించేందుకు ప్రయత్నం చేస్తున్న హీరో హవీష్‌ అదే ప్రయత్నంలో భాగంగా ఓ సరికొత్త కంటెంట్‌ ఉన్న చిత్రంతో మరోమారు ప్రేక్షకుల ముందుకు రాబోతున్నారు. ఈ సినిమాలో ఆయన పోషించే పాత్ర అందర్నీ సర్‌ప్రైజ్‌ చేస్తుంది. అలాగే భిన్న కమర్షియల్‌ సినిమాలకు పేరొందిన దర్శకుడు త్రినాథరావు నక్కిన ఈ సినిమాని తనదైన మార్క్‌తో తెరకెక్కిస్తున్నారు. ఈ సినిమాకు సంబంధించిన మరిన్ని వివరాలు త్వరలో మేకర్స్‌ వెల్లడించనున్నారు’ అని చిత్ర యూనిట్‌ తెలిపింది. ఈ చిత్రానికి నిర్మాణం- హార్నిక్స్‌ ఇండియా ఎల్‌ఎల్‌పి, ఫైట్స్‌ – రామకష్ణ, ఎడిటర్‌ – ప్రవీణ్‌ పూడి, డీవోపీ – నిజార్‌ షఫీ, సంగీతం – మిక్కీ జే మేయర్‌, స్టోరీ, డైలాగ్స్‌ – విక్రాంత్‌ శ్రీనివాస్‌, నిర్మాత – నిఖిల కోనేరు, రచన: దర్శకత్వం – నక్కిన త్రినాథరావు.