వినోద్‌ వర్మ, అనసూయ భరద్వాజ్‌, సాయి కుమార్‌, శ్రీకాంత్‌ అయ్యంగార్‌ కీలక పాత్రల్లో నటిస్తున్న చిత్రం ‘ఆరి’. ‘మై నేమ్‌ ఈజ్‌ నో బడీ’ అనేది ఉపశీర్షిక. ఆర్వీ సినిమాస్‌ పతాకంపై రామిరెడ్డి వెంకటేశ్వర రెడ్డి (ఆర్వీ రెడ్డి) సమర్పణలో శ్రీనివాస్‌ రామిరెడ్డి, డి, శేషురెడ్డి మారంరెడ్డి, డా. తిమ్మప్ప నాయుడు పురిమెట్ల, బీరం సుధాకర్‌ రెడ్డి నిర్మిస్తున్నారు. లింగ గుణపనేని కో ప్రొడ్యూసర్‌గా వ్యవహరిస్తున్నారు. జయశంకర్‌ దర్శకత్వంలో ఈ సినిమా రూపొందుతోంది. ఈ సినిమా ఏషియన్‌ సురేష్‌ డిస్ట్రిబ్యూషన్‌ ద్వారా ఈ నెల 10వ తేదీన వరల్డ్‌ వైడ్‌గా గ్రాండ్‌ థియేట్రికల్‌ రిలీజ్‌కు రాబోతోంది. ఈ నేపథ్యంలో ఆదివారం మేకర్స్‌ ట్రైలర్‌ను రిలీజ్‌ చేశారు. సైకలాజికల్‌, మైథలాజికల్‌ ఎలిమెంట్స్‌ కలిసి ఓ డిఫరెంట్‌ థ్రిల్లర్‌ మూవీగా ఈ సినిమా ఉండబోతున్నట్లు ట్రైలర్‌ ద్వారా తెలుస్తోంది. ఒక లైబ్రరీ, అక్కడ రివీల్‌ అయ్యే ఏడు జీవితాలను ఆసక్తికరంగా ట్రైలర్‌లో చూపించారు. భూలోకంలో జన్మించాలని శ్రీకృష్ణుడు సంకల్పించగానే ఆ విషయం స్వర్గ లోకంలో తెలిసి ఆరుగురు దేవతలు తమనూ భూలోకం తీసుకెళ్లమని శ్రీకృష్ణుడిని వేడుకున్నారు.
అవే అరిషడ్వర్గాలు – కామ, క్రోధ, లోభ, మోహ, మద, మాత్సర్యాలు..’ అనే డైలాగ్‌తో ఈ సినిమా ట్రైలర్‌ ప్రారంభమవుతుంది. ఇక్కడ అందరి కోర్కెలు తీర్చబడును అని ఓ యూనివర్సిటీ లైబ్రరీ నుంచి వెలువడిన ప్రకటన చూసి సినిమాలోని ప్రధాన పాత్రధారులు వచ్చి తమ కోర్కెలు చెబుతుంటారు. ఈ ప్రపంచంలో మనషులందరిలో ఉండే అరిషడ్వర్గాలకు వారి కోర్కెలు ప్రతీకలుగా కనిపిస్తాయి. ఈ పాత్రధారుల నేపథ్యం ఏంటి?, అందరి కోర్కెలు తీర్చే బాధ్యతను తీసుకున్నది ఎవరు?, ఎందుకు ?, తన దగ్గరకు వచ్చే వారికి ఆయన ఇచ్చే టాస్క్స్‌ ఏంటి? అనేది థియేటర్స్‌లో చూడాల్సిందే. ‘ పరిత్రాణాయ సాధూనాం..’ అనే భగవద్గీత శ్లోకంతో ట్రైలర్‌ ఆసక్తికరంగా పూర్తవుతుంది. ఈ చిత్రానికి మ్యూజిక్‌ : అనుప్‌ రూబెన్స్‌, ఎడిటర్‌ : జి.అవినాష్‌, లిరిక్స్‌ : కాసర్ల శ్యాం, వనమాలి, కళ్యాణ్‌ చక్రవర్తి, కొరియోగ్రఫీ – భాను, జీతు, ప్రొడక్షన్‌ డిజైనర్‌ : రాజీవ్‌ నాయర్‌, సినిమాటోగ్రఫీ : కృష్ణ ప్రసాద్‌, శివశంకర వరప్రసాద్‌
లైన్‌ ప్రొడ్యూసర్‌ : శివకాంత్‌, ఎగ్జిక్యూటివ్‌ ప్రొడ్యూసర్‌ : వినయ్.
డిఫరెంట్‌ సైకో మైథలాజికల్‌ థ్రిల్లర్‌
- Advertisement -
- Advertisement -
Previous article![]( "‘అనుకుందొకటిలే..’")
Next article![]( "అలనాటి బాలీవుడ్ నటి సంధ్యా శాంతారామ్‌ కన్నుమూత")
RELATED ARTICLES
