ఇంట్లోనే పెడిక్యూర్‌..

మనం రోజంతా నడుస్తాం, నిలబడతాం. మన బరువు మొత్తం పాదాలపైనే పడుతుంది. అలానే వీటిని నార్మల్‌గా కడగడం, స్నానం చేసినప్పుడు నార్మల్‌గా రుద్దుకోవటం వంటివే చేస్తాం. దీంతో మిగతా భాగాలకంటే పాదాలపై రంగు మారడం, పగుళ్ళు ఏర్పడడం లాంటి సమస్యలు వస్తుంటాయి. వీటిని దూరం చేయడానికి చాలా మంది డబ్బు ఖర్చుపెట్టి మరీ పెడిక్యూర్‌ చేయించుకుంటారు. అదే ఇంట్లో మనకి మనంగా కూడా చేసుకోవచ్చు.
ముందుగా పెడిక్యూర్‌ మసాజర్‌ ఉంటే అందులో కాస్తా గోరువెచ్చని నీరు పోయాలి. లేదంటే ఓ టబ్‌ తీసుకుని అందులోనైనా గోరువెచ్చని నీరు పోయాలి. అందులోనే ఆరెంజ్‌ పీల్స్‌ వైట్‌ వెనిగర్‌ వేయండి. ఇందులోనే కొన్ని రోజ్‌ పెటల్స్‌ కాస్తా ఉప్పు వేయండి. మీ దగ్గర ఏదైనా పెడిక్యూర్‌ లోషన్‌ ఉంటే వేయండి. లేదంటే షాంపూ అయినా వేయండి.

ఇప్పుడు ఆ నీటిలోనే పాదాలను పెట్టి 10 నుంచి 20 నిమిషాల పాటు నాననివ్వండి. మసాజర్‌ ఉంటే ఆన్‌ చేయండి. చక్కగా పాదాలు మసాజ్‌ అవుతాయి. లేదంటే నార్మల్‌గా నాననివ్వండి. ఇలా నానడం వల్ల పాదాలపై ఉండే హార్డ్‌ స్కిన్‌ మొత్తం మెత్తగా మారుతుంది. పాదాలపై ఉన్న దుమ్ముధూళి కూడా నానుతుంది.
ఇప్పుడు ఓ ఎక్స్‌ఫోలియేట్‌ బ్రష్‌ లేదా పెడిక్యూర్‌ స్టోన్‌ తీసుకుని పాదాలను బాగా రబ్‌ చేయండి. వీటి వల్ల డెడ్‌ స్కిన్‌ మొత్తం పోతుంది. దుమ్ముధూళి అంతా వెళ్ళిపోతుంది. పాదాలు కూడా చక్కగా తెల్లగా మారతాయి. పాదాల పగుళ్ళు, ఇతర ప్రాబ్లమ్స్‌ ఉన్న చోట కాస్త రబ్‌ చేయండి. దీంతో మొత్తం దుమ్మంతా వెళ్ళి పోతుంది. తర్వాత పాదాలని కడిగి ఆరనివ్వండి.

బియ్యం, బీట్‌రూట్‌ జెల్‌
బియ్యాన్ని నానబెట్టి, బీట్‌రూట్‌ ముక్కల్ని కలిపి మిక్సీ పట్టి తయారుచేసుకోవచ్చు. లేదా బయట దొరికే మాస్క్‌ అయినా వాడొచ్చు. దీనిని పాదాలకి అప్లై చేయండి. 10 నుంచి 15 నిమిషాల పాటు ఉంచండి. తర్వాత పాదాలని మళ్లీ ఓ సారి చక్కగా క్లీన్‌ చేయండి. దీంతో పాదాలపై ఉన్న మరకలు పోతాయి. ట్యాన్‌ అదంతా పోతుంది. కాబట్టి, హ్యాపీగా రాయండి.

సీరమ్‌, మాయిశ్చరైజర్‌, జెల్‌
ఏంటి ముఖానికి రాసేవన్నీ పాదాలకి రాయమని చెబుతున్నారనుకోవద్దు. అప్పుడప్పుడైనా ఇలా పాదాలని పాంపరింగ్‌ చేస్తే పాదాలు రిలాక్స్‌ అవ్వడమే కాకుండా చక్కగా అందంగా కనిపిస్తాయి. దీనికోసం మీ దగ్గర ఉన్న ఏ సీరమ్‌ అయినా రాయండి. తర్వాత మాయిశ్చరైజర్‌ దీనికోసం పెట్రోలియం జెల్లీ వంటివి కూడా రాయొచ్చు. తర్వాత మీకు పగుళ్ళు ఉంటే జెల్‌ రాయొచ్చు. లేదంటే అలోవెరా జెల్‌ రాయొచ్చు. దీంతో పాదాలు కోమలంగా, అందంగా మారతాయి.

మంచి నెయిల్‌ పాలిష్‌
పెడిక్యూర్‌ చేసేటప్పుడే మీ గోర్లని కూడా ట్రిమ్‌ చేయండి. అవసరమనుకుంటే పైన ఓ లేయర్‌ని రబ్‌ చేయండి. తర్వాత ట్రిమ్‌ చేయండి. వాటికి మంచి నెయిల్‌ పాలిష్‌ వేయండి. ఇక చూడండి మీ పాదాలు ఎంత బాగుంటాయో.