హైదరాబాద్‌ : భారత్‌, వెస్టిండీస్ నాల్గో టీ20 మ్యాచ్‌ ‌బుధవారం ఉప్పల్‌ ‌స్టేడియంలో జరుగనుండగా, ఈ సిరీస్‌కు టైటిల్‌ స్పాన్సర్‌‌గా ముత్తూట్‌ ‌ఫిన్‌‌కార్ప్‌ ‌లిమిటెడ్‌ ‌వ్యవహరిస్తోంది. బీసీసీఐతో ఒప్పందం ప్రకారం భారత్‌‌లో జరిగే దేశవాళీ, అంతర్జాతీయ మ్యాచ్‌‌లకు ముత్తూట్‌ ఫిన్‌‌కార్ప్‌ ‌సంస్థ టైటిల్‌ ‌స్పాన్సర్‌‌గా వ్యవహరించనుంది. ‘భారత ప్రజలకు చేరువయ్యేందుకు క్రికెట్‌ ఒక అర్థవంతమైన మార్గాన్ని అందిస్తుందని’ ఆ సంస్థ జాయింట్‌ ‌మేనేజింగ్‌ ‌డైరెక్టర్‌ ‌థామస్‌ ‌జార్జ్‌ ‌ముత్తూట్‌ ‌తెలిపారు. జాతీయ జట్ల హోమ్‌ ‌సీజన్‌‌కు ముత్తూట్‌ ‌ఫిన్‌‌కార్ప్‌ ‌టైటిల్‌ ‌స్పాన్సర్‌‌గా వ్యవహరించటం భారత క్రికెట్‌ ‌బలం, విస్తృతి, ప్రజలతో అనుబంధాన్ని ప్రతిబింబిస్తుందని బీసీసీఐ అధ్యక్షుడు మిథున్‌ ‌మన్హాస్‌ అన్నారు.