శక్తివంతమైన శోభ పాత్రకు అవార్డులు ఖాయం

సుధీర్‌ బాబు, సోనాక్షి సిన్హా ప్రధాన పాత్రల్లో నటిస్తున్న చిత్రం ‘జటాధర’. సుధీర్‌ బాబు చాలా కొత్తగా కనిపించబోతున్న ఈ మూవీని ప్రేరణ అరోరా సమర్పణలో సుధీర్‌ బాబు ప్రొడక్షన్స్‌ పతాకం నిర్మిస్తోంది. ఈ సినిమాను వెంకట్‌ కళ్యాణ్‌ తెరకెక్కిస్తున్నారు. ఇప్పటి వరకు రిలీజ్‌ చేసిన పోస్టర్లు, గ్లింప్స్‌ మూవీపై అంచనాలు పెంచేశాయి. ఈ క్రమంలో ఈ చిత్రం నుంచి శిల్పా శిరోద్కర్‌ పాత్రకు సంబంధించిన అప్డేట్‌ ఇచ్చారు.
‘ఖుదా గవా’, ‘మత్యుదంద్‌’ వంటి చిత్రాలలో అద్భుతమైన నటనతో అందరినీ ఆకట్టుకున్న శిల్పా శిరోద్కర్‌ ఈ చిత్రంలోని పర్ఫామెన్స్‌తో అవార్డులన్నీ గెలిచేస్తారని నిర్మాత ప్రేరణ అరోరా అన్నారు.
ఈ సందర్భంగా ఆమె మాట్లాడుతూ,’ఇందులో శోభ అనే పాత్రలో నటించిన శిల్పా శిరోద్కర్‌కు అన్ని అవార్డులు వస్తాయని ఎంతో నమ్మకంగా చెబుతున్నాను. శోభ ఒక శక్తివంతమైన, సంక్లిష్టమైన పాత్ర. ఈ పాత్రకు ఆమె తన నటనతో ఎంతో ఇంటెన్స్‌ను తీసుకు వచ్చి, న్యాయం చేశారు. ఆమె ప్రేక్షకులను పూర్తిగా ఆశ్చర్యపరుస్తుంది’ అని అన్నారు. ‘జటాధర’ సూపర్‌ నేచురల్‌ థ్రిల్లర్‌గా అందరినీ ఆకట్టుకునేలా తెరకెక్కిస్తున్నారు. సస్పెన్స్‌, యాక్షన్‌, మిస్టరీల ప్రత్యేకమైన కథతో ఈ చిత్రాన్ని గ్రాండ్‌గా రిలీజ్‌ చేయబోతోన్నారు. ప్రేక్షకులకు ఓ విజువల్‌ వండర్‌, సినిమాటిక్‌ ఎక్స్‌పీరియెన్స్‌ ఇచ్చేలా ఈ సినిమా ఉంటుంది.
‘జటాధర’లో ఇందిరా కష్ణ, రవి ప్రకాష్‌, దివ్య ఖోస్లా, రాజీవ్‌ కనకాల, శుభలేఖ సుధాకర్‌, రోహిత్‌ పాఠక్‌ వంటి వారు ముఖ్య పాత్రల్ని పోషించారు.