ఇక బస్సులో కూడా బాత్‌రూంలు

నవతెలంగాణ హైదరాబాద్: దూర ప్రయాణాలకు వెళ్లాలంటే సామాన్యుల మొదటి చాయిస్ రైలే. ఎందుకంటే రైలులోనైలే మరుగుదొడ్లు అందుబాటులో ఉంటాయి. బస్సు ప్రయాణంలో అయితే కనీసం మూత్రవిసర్జనకు వెళ్లాలన్నా డ్రైవరు దగ్గరికి వెళ్లి బస్సు ఆపమని అడగడానికి ఇబ్బంది పడుతుంటారు. ఇలాంటి వారి కోసం ప్రయివేట్‌ ట్రావెల్స్‌ సంస్థ అయిన ఇంటర్‌సిటీ తమ బస్సుల్లో బాత్‌రూం సదుపాయం కల్పించింది. డ్రైవర్‌ సీటు వెనుకభాగంలో వెస్టర్న్‌ కమోడ్, ముఖం కడుక్కోవడానికి వాష్‌బేసిన్‌ ఏర్పాటు చేశారు. ప్రస్తుతానికి మూత్రవిసర్జనకు మాత్రమే అనుమతిస్తున్నారు.