బుచ్చి బాబు సానా దర్శకత్వంలో రామ్‌ చరణ్‌ చేస్తున్న రూరల్‌ యాక్షన్‌ డ్రామా ‘పెద్ది’. వద్ధి సినిమాస్‌ పతాకంపై వెంకట సతీష్‌ కిలారు నిర్మిస్తున్నారు. మైత్రి మూవీ మేకర్స్‌, సుకుమార్‌ రైటింగ్స్‌ సమర్పిస్తున్న ఈ చిత్రాన్ని భారీ బడ్జెట్‌తో భారీ స్థాయిలో నిర్మిస్తున్నారు. జాన్వీ కపూర్‌ హీరోయిన్‌గా నటిస్తున్నారు. ప్రస్తుతం ‘పెద్ది’ బృందం రామ్‌ చరణ్‌, ఇతర ఫైటర్లతో పాటు కీలకమైన, హై-ఇంటెన్సిటీ ఫైట్‌ సీక్వెన్స్‌ను చిత్రీకరిస్తోంది. ఈ చిత్రీకరణలో కన్నడ సూపర్‌ స్టార్‌ శివ రాజ్‌ కుమార్‌ కూడా పాల్గొంటున్నారు. హైదరాబాద్‌లోని అల్యూమినియం ఫ్యాక్టరీలో ప్రొడక్షన్‌ డిజైనర్‌ అవినాష్‌ కొల్లా భారీ సెట్‌ను నిర్మించారు. అక్కడ ఈ భారీ యాక్షన్‌ బ్లాక్‌కు సంబంధించిన చిత్రీకరణ జరుగుతోంది.
బాలీవుడ్‌ స్టార్‌ విక్కీ కౌశల్‌ తండ్రి, ప్రముఖ స్టంట్‌ డైరెక్టర్‌ ‘దంగల్‌’ ఫేమ్‌ షామ్‌ కౌశల్‌ ఈ హై-ఇంటెన్సిటీ యాక్షన్‌ సీక్వెన్స్‌ను పర్యవేక్షిస్తున్నారు. నవకాంత్‌ స్టంట్‌ మాస్టర్‌గా వ్యవహరిస్తున్నారు. ఇప్పటికే ‘పెద్ది’ ఫస్ట్‌ సింగిల్‌ ‘చికిరి చికిరి’ ప్రపంచవ్యాప్తంగా 110 మిలియన్ల మార్కును దాటి వరల్డ్‌ వైడ్‌గా టాప్‌లో ట్రెండ్‌ అవుతోంది. ఈ పాట ఇంకా ట్రెండ్‌ అవుతూనే ఉంది. అంతే కాకుండా ఈ సంవత్సరం బిగ్గెస్ట్‌ బ్లాక్‌ బస్టర్‌ చార్ట్‌ బస్టర్లలో ఒకటిగా నిలిచింది. ఈ చిత్రంలో జగపతిబాబు, దివ్యేందు శర్మ ప్రముఖ పాత్రల్లో నటిస్తున్నారు. ఎఆర్‌ రెహమాన్‌ సంగీతం అందిస్తున్నారు. సినిమాటోగ్రాఫర్‌ ఆర్‌ రత్నవేలు కెమెరామెన్‌గా పని చేస్తున్నారు. జాతీయ అవార్డు గ్రహీత ఎడిటర్‌ నవీన్‌ నూలి ఎడిటింగ్‌ బాధ్యతలు చూసుకుంటున్నారు. వచ్చే ఏడాది మార్చి 27న ఈ సినిమా విడుదల కానుంది.
భారీ సెట్‌లో ‘పెద్ది’ పోరాట సన్నివేశాలు
- Advertisement -
- Advertisement -
Previous article![]( "సమయం")
Next article![]( "దేశాన్ని పట్టిపీడిస్తున్న కాలుష్యం")
RELATED ARTICLES
